電源插座維護的五個小Tips
2017年05月20日
3
379760
近年來，因充電不當引起火災事件屢見不鮮，導致不必要嘅損失，可見電源故障係家庭火災主要原因。其實只要好好維護、正確使用電源插座，就可以大大降低屋企電火災嘅風險，下面提供5個小Tips ，可有助確保安全用電。
1. 立即更換損壞或嚴重磨損嘅電線及好好整理電線
簡潔嘅室內環境係最令人感到舒適，奈何家中電子及電器產品眾多，雖然加裝拖板會較為方便，但咁樣又會令家中滿怖電線，如果唔好好整理電線，就會容易令電線磨損。其實要擺脫過多嘅電線，安裝新電源插座係最直接方法之一。目前市面上已經有單位及雙位嘅電源插座可供選擇，BG插座更備有USB插口，方便充電，唔需要用USB火牛！只要安裝新嘅電源插座，就可以巧妙地收好過多嘅電線！
2. 使用安全認證機構認證嘅電源插座及插頭
其實大多數意外係因為電源插座及插頭過熱或過載等保護裝置而造成，所以最好放棄使用唔合規格嘅電源插座及插頭。選擇經認可安全認證機構認證產品，如香港機電工程署，通常經安全認證產品係通過廣泛測試，確保用電安全。以BG插座為例，產品以英國標準製造，符合機電工程署標準，通過25000次拔插、15000次開關測試，配合精細造工確保產品安全。
3. 定期檢查及維修電源插座
為避免電火災同電擊，可以定期對所有電源插座進行檢查。如果電源插座得到良好維護並係需要時進行更新，就可以預防大多數家庭火災及其他事故如觸電風險，定期檢查以下列點：
*確保插座制面完好無損
*如插座制面中有裂縫，應立即更換或修理
*留意插座制面同周圍牆面之間有無外露電線或空隙，並將所有接線妥善固定。
*仔細檢查鬆動插頭，以及確保沒有磨損
*插頭或電器有無火花或煙霧
*插座、插頭或設備上有無融化塑料或焦燒痕跡
檢查及維修電源插座時需檢查插座中有否接地線。接地線有兩種好處，其一為電源回去路線，其二為避免電擊安全防範。BG膠面或金屬面插座，均與底箱有絕缘、並連接雙地線，防止觸電、雙重保險安全設計，無疑能夠提供多一份保障。
4. 切勿自行修理電源插座及插頭
如果發現電源插座及插頭損壞，建議將問題轉交給專業電工。如果無電工經驗，更不應該嘗試自行修理接線。不少家用電器火災係由新手錯誤修理或安裝接線而引起，所以諮詢專業師傅會更安全。即使有專業知識來進行簡單維修和更換電源插座，亦務必遵循所有適當嘅安全措施。
5.安全用電，小心插拔插座
即使使用符合安全標準電源插座，最重要唔好濕手觸摸電源插座，以免有觸電危險。而當使用電器時，務必安全使用插頭，特別係從插座上拔下電源線時，請勿強行拉扯電源線，否則可能會導致插頭電線損壞。
用電最緊要係安全，日常應注意維護電源插座，令屋企真正成為一個安全，舒適嘅住所。
