裝修佬話你知 : 認識PU皮
2017年05月25日
3
382633
講起皮相信大家嘅第一印象應該係高檔耐用，手感舒適，而皮係日常生活當中應用廣泛，小至銀包皮鞋，大至沙發傢私等。但皮都有真皮同仿皮之分，眾所周知真皮價格高，皮料相對會較細塊且花紋唔平均，而仿皮價格親民，紋路平均、唔怕蟲蛀、唔易發霉、容易保養等好處。
現時市面上嘅仿皮主要分PVC皮同PU皮兩種。
PVC以聚酯纖維當底材，再加上一層含有PVC同增塑劑嘅保護膜。但由於含有增塑劑關係，長期使用表面會出現龜裂。
而PU皮係聚合後PU溶液成品，業界稱為PU樹脂，佢更接近皮質面料，唔需要用增塑劑來達到柔軟性質，所以唔會變硬、變脆，同時具有色彩豐富、花紋繁多嘅優點。
PVC皮雖同PU皮相似，PU皮遇水、熱、鹼會自動水解，且時間因素下，約莫一年也會自動水解，對環境的影響較小，而PVC皮唔會自然分解，對環境造成影響。
現時製作PU皮款式繁多，不同造型的壓花供選擇，配合不同環境使用，例如房間內的牆身軟包，或沙發面料等。
PU皮對比真皮除咗價格有優勢之外，顏色選擇亦非常有優勢，每款壓花有不同顏色選擇，締造獨一無二的家居設計。
