裝修佬話你知 : 認識多功能隱形床
2017年05月26日
1
374283
香港地少人多，樓盤亦越出越細，細單位最大嘅優勢係平，最大嘅缺點係空間不足，難以設計。雖然我地無辦法解決土地樓價嘅問題，但係我地可以諗方法改善呢個問題，究竟係點？裝修佬話你知。
為配合香港房屋問題，多功能隱形床黯然興起，何謂隱形床？佢嘅外觀如同一個櫃，瞓覺時將櫃門拉下，就係一張標準大床，需要嘅時候可以變為一張沙發、衣櫃、書枱等，呢種隱形床，非常適合細單位用戶，騰出更多實用空間面積。
真係忍唔住引用星爺經典語句，你唔好以為呢張係沙發，其實佢係一張床。將床隱藏係沙發後面，下面係休息用嘅沙發，咁樣空間真係好見使。
唔少人都想要個書房，但又因為睡房無位而被逼放棄。隱形床，可以令你既擁有書房，又能擁有睡房，又唔會太唐突，兩者兼得。
其實，細單位又有乜好怕哦，只需要儘可能合理地利用空間，你就可以將空間發揮最大潛能，細屋變大屋架啦！多功能隱形床絕對係現時細單位嘅首選。
