裝修佬話你知 : 各種慳電方法
2017年08月25日
2
182145
冷氣溫度唔好較太低，冷氣溫度越低就功耗越大。其實適當溫度便好，人體一般舒適溫度係25°-27°，而且適合溫度唔會令室內外溫差太大，造成感冒。
電腦、電視機可以設置合適亮度及音量，一般家裡電視機設置功能表中都設有“節能模式”，通過使用“節能模式”可以大大降低背光螢光管亮度，唔單制可以降低功耗，仲可以延長背光螢光管工作壽命，實在係一舉兩得。
電視電腦唔好頻繁開關機。頻繁開關機係非常耗電的行為，如果電腦或者電視機短時間唔用，可以將螢幕亮度及音量調到最低，等用嘅時候再調較正常亮度及音量就好，咁樣就可以達到節能目的。
用電飯煲煮米飯或者煮粥時，可以先提前將米浸半個鐘到一個鐘，咁樣煮粥或者煮飯就會慳時間慳電啦。
用洗衣機洗衫前應該先將衫係浸有洗衣粉嘅水中20分鐘，咁樣污漬更容易洗走，然後再用洗衣機攪拌，可以減少洗衣機轉動時間，自然就慳電。
有D人將未食完而且仲冒緊熱氣嘅餸菜就直接放入雪櫃，咁樣做會令雪櫃增加更加多嘅能量來凍化食物，會有損雪櫃機能。如果要製造冰塊或冰凍飲料時，最好先將飲料先冷卻到常溫，係夜晚入睡前放進雪櫃，因為夜晚唔會經常打開，功耗減少，自然就達到慳電目的。
另外，最好夜晚瞓覺前將所有家用電器係唔用嘅時候就要切斷電源，其實電器處於待機狀態嘅時候係耗緊電，長時間落來亦係一筆費用，不容小覷。
