成日都有人在裝修中期問版主「電位應該點計」,其實真係間間唔同,並唔係話機電工程署那一套就係行內標準。事實上,大多數公司都唔係咁計。
13A孖蘇,有些公司計兩個,有些計1.5個。
3位燈掣,有些公司計三個,有些計2個。
咁作為戶主,應該做什麼避免爭端呢?
1. 報價時問清楚制面計法
2. 如果聽唔明,叫公司粗估下全屋幾多個掣
3. 了解唔同做法有否分別(例如冷氣,你可以引線落牆,再在另一位置整開關)
4. 唔同制面有冇唔同(特別你要裝既制面唔STANDARD,例如玻璃接觸型制面)
5. 一次諗清楚,分開加一個半個制,費用未必一樣
防伏貼士:
電位計法冇行規,戶主不要「想當然」,然後指責對方欺騙,應在報價時問清楚你需要知道的DETAIL。反正你遲早都要問的。
===
↓ ↓ 即將裝修的朋友,極度推薦要參加裝修防伏班啊~~
本文章內容及圖片均由本專欄作者提供及上載,並不代表本公司立場,如有任何版權問題,請與本公司聯絡。