睡房裝修如何做到隔音效果

2017年12月15日
1
325969
睡房係我地日常休息嘅地方,優質嘅睡眠需要清靜嘅環境,相信無人希望瞓著被噪音嘈醒,所以睡房裝修一定要注意隔音處理。咁睡房裝修點樣做到隔音效果呢?有D咩需要注意呢?裝修佬話你知。

睡房裝修如何做到隔音效果
 
牆面: 

睡房牆面大多數使用塗料或牆紙,現時市面上硅藻泥有良好隔音性能(硅藻泥牆身凹凸效果),如果覺得效果仲未夠好,可以係天花板增加隔音材料,現時流行係床頭背景牆做一層較厚嘅軟包,除咗起到裝飾效果外,其實內部含有隔音材料。 

睡房門: 

睡房門既要考慮裝飾效果,亦要考慮隔音問題,目前,主流嘅睡房門有:實木門、複合門、鋼木門等,其中,實木門同複合門隔音效果會比較好,係選購睡房門時,唔單止要注意材質嘅選擇,仲要注意門芯是否夠厚實。 

窗選擇: 

對於臨街嘅住戶來講,想要良好嘅室內環境,一定要選擇隔音效果好嘅窗,窗嘅隔音性能主要取決於兩方面:窗框及玻璃,所謂窗框,就係指窗嘅材質,支撐窗嘅框架,市面上主要窗嘅材質有鋁合金和塑鋼材質,隔音效果都唔錯,通常來講,材質越厚隔音隔熱效果會更佳,但價格亦會較高。 
另外,玻璃亦係影響窗隔音嘅一大因素,相比於普通單層玻璃,真空玻璃隔音效果會更好,相信大家都知,聲音需要借助介質傳播,真空狀態下係無法傳播,真空玻璃正係利用呢個原理來減少噪音。 

睡房裝修如何做到隔音效果

屋頂: 

除咗頂樓嘅住戶,其他樓層嘅朋友都會咁嘅困擾:如果頂面唔隔音,樓上一有小小動靜就會傳落來,非常應聲,所以天花嘅隔音非常關鍵,天花隔音主要在於隔音材料嘅選擇,可借助吸音棉、高密度泡沫板、布藝吸音板等隔音材料。 

軟裝:

裝修完後,我地可以通過軟裝搭配來實現隔音目的,建議揀選厚實、帶有褶皺嘅窗簾,隔音效果會更好,另外,睡房鋪地氈亦可達到一定嘅吸音效果,當然,具體要根據個人使用習慣而定。 



睡房裝修如何做到隔音效果
裝修華
269篇