裝修風水學 : 點樣睇家宅陰氣重?
2018年01月28日
1
182235
今日裝修佬同大家探討一個比較可怕嘅問題，就係陰氣啦！究竟點樣嘅家居環境叫做陰氣重呢？風水乃中國傳統道教文化，博大精深，雖然都係好縹緲嘅講法，但俗語有話寧可信其有不可信其無，今日等裝修佬教大家點樣睇家宅陰氣重，一齊去文!
犯孤陰煞
所謂孤陰煞，係指住宅周邊煞氣、陰氣，一般呢種住宅周邊可望到醫院、墳場、殯儀館、公廁、垃圾場、屠宰場等陰煞之氣較重嘅場所。呢D場所嘅存在加重咗住宅周邊環境嘅陰氣，會導致居住係附近嘅人破財敗運，霉運纏身。其嚴重性與距離及風向有好大關係，住宅離呢D地方越近，受孤陰煞嘅影響就越嚴重，若住宅門窗正對呢D地方且係下風區則最為不利。
綠色植物過多
室內種植盆栽花草係一件非常怡情養性嘅事，適當嘅綠植能夠為室內帶來生機催運化煞，然而，如果植物太多，就唔係好事了。過多嘅植物會導致室內陰氣濕氣較重，消耗宅內陽氣，尤其係藤蔓類植物。呢類植物長大後遮擋陽光，無形中加重家中陰氣。綠色植物過多唔單止會導致破財漏財，亦不利於居住者運勢，會令居住者健康受損，運氣差。若睡房內綠色植物過多，夜晚瞓覺時容易出現失眠多夢、恐懼不安等症狀。適當減少綠色植物數量，以不妨礙室內採光為宜。
屋大人少
評判一間屋嘅風水，房屋中嘅生氣係一個重要標準。如果房間內生氣少，意味著陽氣弱。而房屋嘅生氣係由人滋養出來，所以，買樓以夠住便可。因為若居住人少，就會出現以人之生氣補房之所缺，人體陽氣被房屋耗泄，長期處於呢種狀態下居住者身上嘅生氣就會不停外散，久而久之，身體方面會出現各種問題，會導致錢財流失嚴重，霉運不斷，家道衰落。所以屋唔係越大越好。
陰暗背陽
買樓嘅時候，都會考慮向陽呢個因素，陽光曬入室內，能夠帶來生機。如果房屋背陽，唔能夠蓄積足夠陽氣供應俾居住者，反而可能會泄走居住者陽氣，長期居住係無陽光嘅環境會令負能量增長，財運下降，做事不順，無貴人扶持。如果條件唔允許可在屋裡增加照明，來控制陰氣過盛問題。
戶型窄長
長寬比例明顯失調嘅房屋會造成居室陰陽失衡，令居住者事業不順，前途堪憂，收入屋穩定，難以聚財。最好避免入住呢種戶型嘅房屋，建議選擇四正單位。若無法避免最好係裝修時用傢俱把室內分成兩個方正區域，咁樣空間會更合理。
