你識唔識清潔浴缸?
2018年02月11日
2
371667
忙碌一日，最能夠舒放身心嘅方法莫過於可以浸個熱水涼。唔知你又有無諗過，浴缸係直接接觸皮膚嘅地方，如果清潔唔乾淨，殘留嘅真菌可能會帶來好多疾病，今日裝修佬為大家帶來浴缸嘅清潔方法，一齊去文！
浴缸最好每星期清潔
清洗亞加力浴缸時要用海綿或絨布，唔可以使用粗布、百潔布，唔可以使用任何含有顆粒狀物體嘅清洗劑，可用溫和清洗劑清洗。鑄鐵浴缸每次使用完後都要用清水充分沖洗，再用軟布抹乾。切勿用鋼絲球、鋼絲刷或研磨海綿刷洗。可以用舊軟毛牙刷加漂白水刷洗表面，既可去除污漬，又可消除霉菌。遇到難以清潔嘅污漬，仲可以用半個檸檬加鹽擦洗，亦可以用軟毛牙刷加有美白功能牙膏擦洗。對於水垢可以用平日清潔馬桶用嘅清潔劑，如果唔鐘意刺鼻氣味可以用檸檬加白醋呢種比較自然嘅方法。唔可以用帶有褪色功能嘅清潔劑，特別係你嘅浴缸有顏色嘅時候。
溫和處理浴缸表面污漬、水垢、霉菌
每月應沖洗按摩浴缸兩次以上。順時針方向調節噴嘴至完全關閉位置，防止漏氣。係浴缸注入暖水至最高噴嘴以上2寸位置，或者使用完之後將水留係浴缸中。水中加入兩羹低泡沫粉狀洗潔精及少量漂白水。將按摩浴缸開啟5~10分鐘，然後關閉，將水排走，然後用水沖洗浴缸表面。浴缸長期處於濕熱狀態下，會滋生好多細菌，有時清潔完，表面望落乾淨，實際上係有好多細菌存在。建議定期用滾水抹下浴缸表面，但唔可以隨便用消毒水，因為消毒水唔一定能殺死霉菌及真菌等。
勿私自移動、及時修補浴缸傷痕
浴缸安裝好後唔好私自移動，如需移動位置，須搵專業師傅。唔好用硬物敲打、撞擊表面，造成碰傷或刮花。如需修復黯淡或劃傷部分，可用乾淨抹布混合無色自動打磨溶液用力擦拭，然後塗上一層無色保護蠟。
隨時處理浴缸淤塞、按時消毒
管道要一星期清理一次或兩次，一來清除味道，二來防止細菌滋生。可用專門清潔下水道產品，灌入下水道，5分鐘後清洗。
