裝修風水學 : 新屋裝修風水你要知

2018年02月16日
1
153064
裝修同結婚生仔都係人生大事,當你忙碌揀選材料、注重緊裝修設計嘅時候,切記留意返風水問題。好嘅風水令你事事順暢、風生水起,但想同裝修設計相結合並非易事,以下裝修佬同大家分享新屋裝修嘅注意事項,一齊去文!

裝修風水學 : 新屋裝修風水你要知
 
玄關 
 
玄關作為入屋必經之道,猶如人體嘅咽喉,其風水非常重要。玄關地板宜平整,不可有高低上下之分,地板平整可令宅運暢順,亦可避免失足跌親。玄關牆身間格無論係木板、牆磚或石材,選用嘅顏色均不宜太深,以免令玄關望落暗沉,無活力。玄關天花宜高不宜低,玄關處嘅天花若太低,會有壓迫感,係風水上屬於不吉之兆,象徵居住者備受壓迫掣肘,難有出頭。若天花高,則玄關空氣流通較為舒暢,對住宅氣運大有裨益。 
 
睡房門 
 
睡房門不可直對著廚房門、廁所、雜物房門,廚房同廁所都係濁氣產生之地,睡房如果長期相對就會受濁氣所沖。而雜物房常年堆放雜物,陰暗雜亂,亦不應兩兩相對,否則都會影響著成個睡房空間環境,亦間接影響著居住者們嘅身心健康。睡房門稱為刀煞 ,最好唔好設計成對對門嘅房間門。 
 
 
 
床嘅擺放位置床頭唔可以朝西,因為地球係由東轉向西,頭若朝西,血液就會向頭頂直沖,睡眠較唔安穩;床唔可以對鏡,因為人係半清醒狀態,容易被鏡中影像嚇到,導致精神緊張;床唔好背對門,會令人無完全感,影響正常休息。 

裝修風水學 : 新屋裝修風水你要知
 
客廳光線 
 
客廳光線最唔適合昏暗、陰沉,客廳嘅牆面及窗簾顏色不宜過於深暗。風水學上講究“明廳暗房”,強調客廳相對於房來講應該更加明亮,光線十足。明亮嘅客廳能帶來家運旺盛,相反,則可能會導致財運中斷。 
 
天花 
 
客廳裝修要注意,橫樑壓頂係風水大忌,天花裝修要注意。現時多數裝修多數都會有天花設計,但裝修設計天花時需要注意,唔好做過多繁雜裝飾,因為現時房屋樓層高本來就矮,天花做得複雜就顯得壓抑,人長居於此亦會覺得唔舒服,亦不宜藏風聚氣,財氣留唔住,濁氣出唔到。 
 
廁所 
 
由於廁所被誤以為係較為不潔及隱私之地,所以不宜太注目。廁所門不宜對正大門,兩者成一直線,咁樣非但礙觀瞻,而且有違風水之道,風水學認為呢個做法會招致疾病叢生,尤其係腫瘤類。即使廁所並唔係正對大門,但亦不宜坐落注目之處。 



裝修風水學 : 新屋裝修風水你要知
巨龍
187篇