去水位有異味點算好?裝修佬幫到你

2018年02月22日
3
334239
由於廚房廁所經常有水出沒,地下會設有去水位方便排水,而去水位通常會有個板蓋承接住排水時帶有嘅雜物,呢個板蓋就係地漏啦。地漏作為住宅中排水系統嘅重要部件,佢嘅好壞會影響室內空氣素質,所以係日常生活中需要定期清理及保養。咁地漏呢個小零件應該點清潔保養呢?裝修佬話你知。

去水位有異味點算好?裝修佬幫到你
 
地漏清潔方法 
 
拆開清洗時,要注意先將隔板上嘅雜物清理,防止雜物跌入下水道造成淤塞。然後用毛刷加清潔劑對地漏各部件清洗。然後用消毒水或“通渠佬”倒入下水道,再將地漏重新安裝好。 

地漏日常保養 

地漏係重要嘅去水口,而污水中容易夾雜毛髮、固體污漬等,如果唔能夠通過地漏,就會造成地淤塞,影響排水。係日常當中,需要對地漏進行正確保養。 
 
定期清潔地漏 

地漏需要定期清潔,清潔時一般需要先將蓋上雜物清理走,防止雜物進入下水道造成淤塞。清洗時要加清潔劑清洗,及加以消毒除臭處理,日常注意唔好經常掀開地漏蓋排水,食物殘渣等唔好直接倒入地漏中。 

去水位有異味點算好?裝修佬幫到你
 
地漏處滲水要留意 
 
地漏如果係安裝時密封得唔好,係後期使用過程中,可能會出現滲水情況。問題比較嚴重時,要搵專業師傅上門處理。 舊地漏密封失效解決辦法 舊樓地漏密封效果大多失效,但如果要換地漏又非常麻煩。比較簡單便捷嘅方法就係換地漏芯,選擇大小合適嘅內置式地漏芯插入,就無需要拆開瓷磚整體更換地漏。 
 
地漏高低有標準 

地漏應低於地面10mm左右,唔能夠令排水流量太少,否則容易造成阻塞,下水道淤塞會令污水難以排走,產生難聞異味。 
 
地漏四周光滑處理 

如果地漏粗糙,會容易停留日常生活產生嘅頭髮、污垢造成淤塞,而且會特別容易繁殖細菌。 地漏要識揀 地漏孔徑應該係6~8mm之間,咁樣先可以有效防止雜物等進入地漏。 
 


去水位有異味點算好?裝修佬幫到你
康少
342篇