牆面大範圍發霉點算好?

2018年02月25日
2
358382
香港近海常年處於潮濕環境,空氣中濕度過高除咗會令人心情煩躁、衣物難乾之外,仲會令到你屋企牆身發霉,認真頭痛。想減少呢D情況發生,最有效嘅方法就係降低室內濕度,以下裝修佬同大家分享降低濕度嘅方法及處理發霉嘅牆身,一齊去文!

牆面大範圍發霉點算好?
 
防止牆面受潮方法 
 
早晚關窗減少潮氣入內 潮濕天氣對牆面危害嚴重,首先就要防範潮濕空氣進入室內。當回南天到來時,一定要避免開窗。特別係朝南及東南嘅窗位置,每日朝早及夜晚,呢兩段時間嘅空氣濕度較高,若唔及時關窗,空氣中嘅水汽會趁機進入室內。宜係中午有太陽呢段時間,短時開窗。 

使用乾燥劑等產品吸濕 
 
可以購買乾燥劑、吸濕盒等,合理利用其實可以一定程度上降低家中濕氣。此外仲可以用石灰、洗衣粉等自製吸濕盒。 
 
使用冷氣機、抽濕機 
 
大部分冷氣機都有除濕功能,回南天嘅時候就可以利用除濕;另外市面上選購專業嘅抽濕機,雖然成本較高,但抽濕效果唔錯。 

牆面大範圍發霉點算好?

及時檢查、清除牆面水汽 
 
係天氣潮濕期間,要定時檢查家中牆面潮濕情況。如果發現牆面上已經有凝結水汽,就需要及時採取應對措施。可借助乾抹布、抽濕機、冷氣機等吸走牆體上嘅水分。 
 
牆面輕微霉菌處理 
 
1.使用防霉水、漂白水來擦/噴上牆面,將霉菌斑擦乾淨。方法係首先將有霉菌地方用大號砂紙打磨表面後,再將防霉水或漂白水擦或噴上牆身。 

2.靜置24個鐘乾透後,再用乾抹布來回擦一次便可。如果發霉情況嚴重,可多重複一次以上動作,為避免再次發霉應確保牆面徹底乾燥。 

3.想要更持久效果最好嘅方法當然係重新油一次乳膠漆,大家係選購嘅時候要注意要有防霉效果。 
 


牆面大範圍發霉點算好?
呀J
311篇