廚房應該用咩磚?
2018年02月27日
3
379710
相信在座朋友係屋企裝修時會比較注重客廳地板，往往容易忽略咗廚房地磚嘅重要性，廚房呢個油煙地方，而且用水情況較多，一個唔覺意就會唔小心跣親，所以地磚嘅選擇至關重要。現時市面上地磚款式多選擇多，究竟揀廚房地磚時有D咩需要注意呢？裝修佬話你知。
廚房用邊種地板磚
1、廚房牆磚建議選擇光滑或啞光釉面磚，咁樣清潔起身比較方便，視覺效果會更時尚；
2、地面瓷磚材質最好選擇啞面，減少廚房地面潮濕引起滑倒危險；廚房同廁所水汽較大，不宜混用牆面磚地磚，亦不宜貼牆身，牆磚用係地面亦會因吸水太多難以清潔；
3、廚房唔好選用表面凹凸紋嘅磚，因為廚房本身容易藏汙納垢嘅地方，避免唔到有油煙產生，極容易粘附係牆身及地面上，如果選用凹凸不平嘅瓷磚清洗起身將會好麻煩，有D地方甚至根本清潔唔到，影響廚房衛生環境，進而有損家人健康。
4、廚房牆磚或廁所牆磚用嘅瓷磚最好選用吸水率低嘅瓷磚，因為廚房或廁所地面會而且經常要用水來清潔，如果選擇吸水率高嘅瓷磚就會導致瓷磚長時間受潮而容易出現脫落現象。
5、選擇地面磚嘅時候最好選擇通體磚。因為係通體磚嘅表面上無釉，而且通體磚嘅正面同反面無論係從材質上還是從色澤上面都一樣，而且通體磚係最具有防滑效果。
6、如果要係廚房或廁所牆面上鋪牆磚嘅話，最好選擇釉面磚。因為釉面磚比拋光磚色彩更出，圖案亦多，去污效果好，所以特別適合廚房選用。而且吸水率低，強度高，而且仲可以防止細菌生長。
7.對於面積唔大嘅廚房如果使用大尺寸嘅地磚會顯得非常狹窄，相反如果用細尺寸淺色地磚卻可以鋪出意想唔到嘅效果，有延伸空間視覺效果。
8.用單一顏色嘅地磚難免顯得地面單調乏味，如果廚房唔超過三種顏色嘅情況下，可以使用帶圖案嘅花紋磚，點綴地面，令廚房平添幾分愉悅、活潑、生動氣氛。
(以上圖片均來自網路，如有任何版權問題，請與本站聯絡)
