【講不出聲的行規】
2018年05月23日
1
184436
買木地板，地板公司連工包料，設計公司則盪平地台，一直都相安無事。
然後有位戶主想要檢查設計公司盪平地台究竟有多平，地板公司用什麼方式和標準去判斷地台是否已完全盪平等等。地板公司聞到伏味，本來approve左卻突然改口，話地台未完全平順。戶主於是投訴設計公司手工差，並要求補工。
在這個地球，這個香港，一向裝設公司都是鋪到一定程度的平順，然後地板公司的木工在鋪地時再按需要進行木工執補。由於兩邊的責任界線是模糊的，戶主拒絕接受這一套，覺得到時唔平你地就聯手話咁係正常，咁點算呢？
設計公司話：你下下干涉我地點夾、點施工，我地好難做野架喎。
戶主話：你手工無問題我又點會煩你，唔通我想阻你做野？
設計公司話：行有行規，而且咁耐都冇人投訴，我報價都係跟行規去報。
戶主話：我有我既期望，我揀你地公司都係跟我期望去揀。
設計公司話：你責任是收貨，如果你要管我點施工，咁要加收錢，按工計。
戶主話：我覺得收貨唔只係表面，仲包括接受施工程序，唔係你淨係做好表層得架啦。
設計公司話：你(有咁既要求)唔一早講？
戶主話：你唔一早問？
以上問題只是裝修爭議的冰山一角。
