浴室裝修小知識(三) 唔想坐廁用得耐 變黃好污糟?
2018年06月15日
48
75690
我地每日第一個同最後一個用到嘅都係廁所，香港屋企地方細，成家人都All in one，所以成日都要洗廁所。但唔通個個都想洗廁所咩！有無諗過點解五星級酒店嘅坐廁就算長期使用都咁乾淨？除咗有專人清潔之外，佢地用緊嘅都係好嘅潔具。
由於坐廁每日會接觸各種排洩物，所以陶瓷表面會加層釉，令到表面防水防污。揀一個好嘅坐廁，除咗外觀靚、沖力夠呢D重點之外，表面既塗層物料亦都相當重要架!
現時市面上嘅坐廁，由款式到價錢上都好多選擇，林林總總真係好難揀。如果唔識揀嘅話，你會發現你用緊嘅坐廁除咗沖得唔夠乾淨，仲好易痴住污漬係表面，用多一排仲好快有啡啡黃黃既水垢，浪費水之餘又會積聚細菌，日常打理都好花時間。
今次裝修佬會同大家解釋下市面上新式既防污同抗菌塗層。
首先，點解座廁兜會啡啡黃黃既?
香港沖廁水大多為海水，水中會有沙石、鐵鏽等雜質，沖水時會磨損陶瓷表面，久而久之水垢丫~便便漬丫都會卡係裂縫到，難以清潔。好多研究都證明左化學清潔劑嘅成份會剌激皮膚、眼睛、呼吸道，損害屋企人健康之餘仲會污染環境。
*AQUA CERAMIC水淨瓷與一般陶瓷的比較
防污陶瓷
坐廁污糟有四大原因，分別係磨損及刮傷、排洩物痕跡、長時間暴露於硬水而造成嘅水垢，以及細菌積聚。日本人最著重乾淨，所以日本品牌INAX研發左最新既防污陶瓷層 AQUA CERAMIC去解決呢四大問題，仲得到Good Design Award 金獎。
AQUA CERAMIC既超親水性能，令水流過陶瓷時，攝入陶瓷同污積之間，直接將污積托起然後沖走，用少少水就可沖走污漬。而陶層表面光滑抗刮，防止鐵鏽同其他雜質刮花，避免水垢同細菌積聚。平時簡單沖洗，唔使用到腐蝕性清潔劑，都可以令坐廁用耐左都仲咁新淨。
* Comfort Clean抗菌塗層已通過英國IMSL檢測
抗菌塗層
依家好多大牌子既坐廁都會噴埋抗菌塗層，唔同牌子都有自己既技術，但係咪真係有用呢? 我地自己睇唔到。而American Standard 既 Comfort Clean抗菌塗層，因為係直接燒製固定係坐廁內壁，唔會因為沖多兩次水而洗走晒之餘，仲係市面上少有通過英國IMSL檢測，證明可以抑制大腸桿菌同金黃葡萄球菌滋生，用落安心好多。 坐廁成家人日日用，仲會用好多年，除左上一篇講既沖水技術，大家買坐廁時都可以考慮唔同既易潔抗菌塗層技。
無論係INAX 得獎既AQUA CERAMIC，American Standard 得到英國檢測認證既抗菌Comfort Clean，定係其他塗層都好，要識得揀，先會買得岩。
近兩篇講左好多坐廁內涵，但人總係會睇表面既，下次會同大家傾下分體式坐廁及一體式坐廁嘅設分別，敬請留意啦！
令廁所歷久常新的黑科技 !
其他常見問題
問 : 有水箱坐廁好定無水箱坐廁好?
答 : 無水箱坐廁因為隱藏左水箱係牆身上，佔用空間少同靚好多，有機會我地詳細討論。
問 ：如何選購一個坐耐少少都唔會腳麻既坐廁?
答 ：腳痺係因為坐得耐會而壓迫到神經同血管，影響血液循環。所以唔建議大家坐太耐，１０分鐘以內最好。有些坐廁會根據人體工學設計高度，坐落會較為舒適。
問 : 上水慢可以點搞？
答 : 首先上水同大廈本身水壓同流量有關係，如果唔係大廈供水問題就要睇睇坐廁上水件。因為香港來水較多雜質，長時間使用可能會令上水管，入水閥(波曲)、或者濾網積蓄污垢瘀塞，令上水變慢。
