裝修佬話你知: 防蚊有妙法
2018年08月31日
3
395966
夏天為大地帶嚟雨水，同時雨後積水亦為大地帶嚟嚴重蚊患 ! 近期接二連三喺唔同地區都有確診登革熱過案，各位認真要做好防蚊措施，因為登革熱病情嚴重起上嚟係足以致命呢… 擇日不如撞日，今日裝修佬就同大家介紹吓有咩防蚊方法啦 !
室外防蚊
衣著
假如要到郊外工作或者遊山玩水嘅朋友，當然要著上淺色長袖衫褲喇，因為蚊子鐘意光線暗嘅地方，淺色衫褲反光力強，而且唔容易吸熱，有效減低被蚊蚊騷擾。
蚊怕水、防蚊貼
噴上含有DEET成份嘅蚊怕水或者貼上防蚊貼都對驅蚊起到一定作用，不過要留意番DEET含量，一般嚟講DEET濃度需要高於20%先可發揮效用，但太高含量嘅DEET亦有機會影響到孕婦或者小朋友健康呢 !
室內防蚊
蚊帳
要喺睡房裡面防蚊，其中一個方法就係用蚊帳喇； 蚊帳有效阻擋蚊子，避免蚊子喺各位睡眠時「突襲」。不過使用蚊帳有一定限制，尺寸上、空間上都係需要考慮嘅問題，加上蚊帳有機會「漏罅」，令蚊子有機可乘。
滅蚊燈
要數到提供最周全防蚊功能嘅話，都應該非滅蚊燈莫屬喇 ! 傳統滅蚊燈以紫外光燈吸引蚊子，再以電擊網殺滅蚊子；而近年亦有新推出嘅智能光控滅蚊燈，做到360度全方位誘蚊、智能光控開關等等功能，咁蚊子就有入冇出啦 !
