裝修佬話你知: 浴屏好定係浴簾好
2018年09月03日
3
373949
裝修經常都要做選擇，例如係牆身用牆紙定係髹油漆、地面用木地板定係瓷磚等等問題，而當中最唔起眼嘅選擇位，可能要數到淋浴區應該用浴屏定係浴簾好喇 ! 裝修佬今次就話你知，其實兩者係各有好處、壞處呢 ~ 一齊去文 !
浴簾
浴簾一般以塑料或者尼龍製成，顏色、花款選擇多，易於配襯唔同浴室設計風格，而且安裝、更換浴簾都非常簡單，加上浴簾價錢平宜，大部份用家都會負擔得到。不過由於浴簾經常處於極潮濕狀態，容易發霉，影響外觀及健康；另外浴簾桿亦有機會生鏽，減低使用壽命，因此每隔一段時間就需要更換浴簾，真係小數怕長計呢 !
浴屏
現時有品牌生產嘅浴屏以食用級#304不鏽鋼製成，除咗耐鏽蝕之外，使用上亦都更安全、更安心，而且有多種外框選擇，包括有框、無框、正方形框、鑽石形框等等款式，適合唔同形狀嘅浴室 ! 另外外框以及玻璃都有唔止一種顏色選擇，配襯家居環境就更加有彈性喇 ! 而最令用家對浴屏卻步嘅就係價錢喇，浴屏售價比浴簾高一大截，相信價錢就係浴屏最大缺點了 !
總結
其實浴屏、浴簾都各有好處 ! 浴屏耐用、基本上使用過十年都冇問題；浴簾價錢就比較親民，但耐用程度就比較低… 但如果要小編二擇其一嘅話，浴屏會係不二之選，始終耐用性取勝，加上浴屏外型時尚，真係啱晒一眾緊貼潮流嘅朋友呢 !
