電線水喉應該點樣走?
2018年10月07日
4
180882
電線、水喉，應該走牆、走地、定係走天花？
一般喉管是走地為主的。但喉管點走，其實就連判頭都未必會過問師傅。因為師傅自然會就現場情況揀最短、或最合適路徑走，有野阻或不可行或特殊情況（如某類型屋苑水起高處入，又有假天花，自然就有天花走喉既可能），師傅就會考慮其他路徑。
所以，戶主實不需關心喉管走地、牆，還是天花既問題，或電水喉會否疊住呢D問題。主動要求走牆/走天花，未必與師傅意見一致，以非最佳方式施工，亦可能牽涉額外成本。
但關於走喉，仍有兩點值得討論，第一是企缸下方走電喉的問題：
理論上，電線銅線已包膠皮再包大電線皮然後再入膠喉，已經充份隔絕水與水氣。只有電線包皮破損，而又加上企缸嚴重漏水，水氣長期滲入，才有可能出問題。但話雖如此，考慮戶主心理感受，最理想做法仍然是可避則避，但不避亦沒有問題。
另一問題是明喉的處理。由於明喉影響觀感，由喉管從什麼地方分叉、到距離牆身多少寸，都可以成為雙方爭拗點。想避免衝突，最好是建立充份的共識。
