家居燈飾知多啲
2018年10月18日
1
396084
從前家居設計都會用到吊燈為屋企照明，吊燈款式多，既有時尚設計亦有古典風味；但隨住時代改變，喺燈飾選擇上已經唔再局限於使用吊燈喇 ~ 取而代之，就係一系列相對佔用較少空間嘅燈飾喇 ! 今日就由裝修佬同大家分享一吓唔同燈飾嘅好處啦 !
射燈
射燈最大好處就係體積細小，唔佔用天花空間，而且有優良散熱性能，最適合就係使用於各個空間嘅假天花喇 ! 而呢種LED射燈就更加耐用、慳電呢 !
筒燈
筒燈係近年非常流行嘅燈飾，客廳就最常用到筒燈作照明用途喇 ! 筒燈同射燈一樣，都係非常慳位，而且筒燈光色一致，安裝仲非常容易呢 ~
路軌燈
路軌燈最適合就係用嚟凸顯某種物件，例如係想凸顯牆身掛畫就會用到路軌燈。路軌燈最大優勢係可以隨用家喜好移動燈飾位置、角度，靈活性非常高，所以路軌燈亦都被廣泛使用 !
