中性玻璃膠 VS 酸性玻璃膠
2018年10月20日
6
396108
中性玻璃膠 VS 酸性玻璃膠
玻璃膠係建築、家居維修經常會用到嘅密封膠，有封邊功能，可以防止水份滲入物件內部。近年家居DIY維修越來越普及，唔少戶主都開始接觸到唔同種類嘅玻璃膠喇，而DIY新手對玻璃膠最常見嘅疑問就一定係應該選用中性玻璃膠定係酸性玻璃膠比較好喇 ! 事不宜遲，一齊去文了解吓啦 ~
酸性玻璃膠
當酸性玻璃膠開始固化嘅時候會釋放出醋酸，所以使用後嘅空間都會充斥住一陣陣酸味。酸性玻璃膠帶有腐蝕性，並唔太適合用喺金屬表面，而且亦會令天氣石材褪色；但係酸性玻璃膠嘅黏力強、固化速度快，適合用於廚房、浴室位置
中性玻璃膠
中性玻璃膠開始固化時唔會釋放醋酸，而會釋放酒精，用後嘅空間基本上係唔會有難聞氣味。由於中性玻璃膠冇腐蝕性，因此會適用於大部份表面，塑料層壓板、橡膠、不銹鋼、混凝土以及灌漿等等材料都適用；另外中性玻璃膠嘅附著力以及耐候性都較好，適合用於大部份空間。
裝修佬總結
其實酸性玻璃膠以及中性玻璃膠兩者都係裝修、維修不可或缺嘅密封膠，雖然中性玻璃膠嘅固化速度較慢，但依家都有廠商推出速乾系列，彌補不足；而除咗速乾系列之外，介有防霉配方，令中性玻璃膠更加全面，照顧到唔同需要 ! 但最後都要補充一句，由於酸性、中性玻璃膠嘅用途都有差別，喺DIY維修時，就記得要根據實際情況而去選用合適嘅密封膠喇 !
