第75伏 - 終極黑店 [版友痛苦分享]

2015年10月29日

181760

先講下版友既經歷：

地台─鋪到中間高兩邊低，廳中有幾件磚爛咗，牆身同腳線中間有縫。
鋁質趟門─訂造四隻趟門，尺寸寫埋落報價單，之後話唔做四隻郁只做一隻，之後又話跟尺寸造咁高既門會塌，去到而家爛埋尾都無見過四隻趟門。
油漆─話明全屋新做油漆連天花，四邊牆油到一達達，個天花一下都無油過。
木牆身─造既時候話得，之後又話咁做會有問題，用另一個方法又要加錢。
假天花─厠所明明話裝兩支筒燈，最後得一支，成幅天花做左三份二，開始我仲以為三份二都好過無做，點知一檢查之下發現四邊用來承托假天花重量嘅鋁骨景然係用牛皮膠紙同萬能膠水(痴上去)我用手輕輕一篤，成幅塌左落黎！
改電制─做完之後冇「吻」返好先油油，攪到凹凸不平。
厨房厨柜─完全貨不對辦，黑色玻璃門變白色木板門，連門較都冇。之後竟然用左我個廳櫃的三分一，界爛黎造廚櫃，而下面厨櫃部份只份用兩塊木板用萬能膠痴起牆，再用白色膠紙痴上去，而灶位仿石台面由頭到尾都無見過(但俾左錢佢買料！)
廳櫃─之後加的，一直沒報價單，仲將個款改晒，因為要攞部份當厨櫃，剩下的又界穿左。兩個櫃只用一粒鏍絲裝上牆。

至於訂金同買料錢：

「本人如2014年5月13日比訂金$10000之後加左個廳櫃同掛牆枱，連報價

單內1至7項連工包料$33000，跟住係5月20日佢話要攞多$5000買料之後又

係5月23日攞多$10000訂鋁趟門同廳櫃，到最後我問佢幾時交貨佢就話五

月尾一定得，之後又話6月4日之後又話6月12或13日之後最後就6月17日，

當我6月16日再上去睇一樣乜都未得之後6月17日佢打電話同whatapps來就

話要遲多兩日，我話吾得因為我要搬屋無得再拖，點知佢無端端發爛渣就

話我改野。跟住就話我唔收你尾數我而家唔做，收工具走人。自始之後再

聯絡唔上佢。」

其實版友俾左好詳盡既資料我，經我分析後，可信度達99.9%。我之所以不

能公佈所有資料，是考慮到萬一對方是「有背景人士」，可能會搵版友麻煩

(裝修師父有你地址！)。況且，文字已經如此，圖也不用分享了。

裝修就是這樣──就算佢起你樓下開黑店，你又敢唔敢唱衰佢？(佢知你地址的！)

大部分呢D黑店，都係「做一單呃幾單」，所以，有朋友介紹唔代表好。另外，

呢D黑店一樣有卡片，上面可能仲有個中環OFFICE地址添！

大家對於避免這類黑店有什麼法子？下篇教大家「睇細節」防中黑店伏！

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修中伏; 黑店;