第34伏 - 揀一道最鍾意既[門](或其他)... (已解答!)

揀門係好開心既過程，因為你係唔係都要買，同時在眾多選擇之中，

有很多你都會感到喜歡。但對於有選擇困難症的人來說，這當然是更

無比痛苦的，因為你不想放棄任何一種感覺，又想清新、又想有質感

、又想夠特別...

然而，當你想俾多少少錢，揀道你最喜歡的門時──你中伏了。

問：揀門的款式時，最主要考慮哪三個因素呢？（20likes 開）

1) 格調襯間屋！呢個好重要。你幾鍾意道門都好。唔襯間屋既，你會

好快會想拆左道門(或者拆左間屋)。比如話有道門好豪氣好elegant，而

且大優惠只賣$500，佢仲要實木，你買唔買？咁抵喎！你買左就中伏了。

首先咁平既肯定係有問題，其次除非你全屋都咁豪，你唔會carry到，所

謂玫瑰雖好都需要綠葉扶持... 總之，你明啦！

2) 「紋」既年齡。美醜雖然係主觀，但有樣野係「揀既時候覺得靚，裝

落先發現唔靚」，所以如果好似我咁，自問沒有 fashion sense，多D觀察

和問人意見。我揀左幾道門，設計師鄭重提醒我：唔需要紋。我話「有D

紋好特別喎」佢話「信我，真係唔好。就咁白色就好靚」。結果真係，裝

左上去先知道差D中伏。之前覺得好靚、又貴好多既紋，完全及唔上淨色

門感覺咁乾淨企理。屋企只會嫌多野，唔會嫌少野，只會嫌亂，唔會嫌整

齊。淨色白門真係俾到好大既peace of mind我。

3) 顏色─除左襯間屋，都是襯間屋。屋企係白色傢俱，道門冇理由用木色。

佢真係會破壞你原先想營造既氣氛。大門、房門，係唔需要「大門特別D」

。有一個小技巧就係將整幅牆、連櫃、地、天花、燈光，看成一個整體，

你就會知道突顯道靚門出黎會係一個非常錯誤既選擇。你又想像一下iPhone6

背面多左條橙色紋會點？如果真係唔知點襯，保護色應是明智之選。

不如大家起下面揀一道門(德利門)，貼在回帖，等大家/小弟comment下你既選擇(設計師修正左我好多設計上既美醜概念...)！

PS: 6月3日前本版達1000 Page Likes的話就會出書~ 大家多D互動就可以達到，唔賣廣告有1000Likes好巴閉架啦~