第120伏 - 冷氣壞左，冇得維修？
2015年11月10日
0
181576
以下是朋友與我的對話：
「送你一個伏：我屋企裝左風槽式冷氣，而家壞左。由於塊電子板封死
左(圖中燈位隔離)，維修師父話冇活口整唔到，要先劏開個口，跟住先知
道係咪佢諗既問題。所以而家要俾檢查費、開洞費、維修費...」
我心諗：咁大整蠱？！唔止錢既問題，仲要唔知整幾耐，整得黎，夏天都
過，冇冷氣，點生活！
「...但部機冇理由設計到冇得維修架？」
「通常你見餐廳天花或牆角有個小門，後面有掣有剩，師父就係搵唔到呢
樣野，所以搞到要切開個洞黎搵原因...」
「那時係邊個幫你裝機？照咁睇肯定唔會係賣俾你既代理啦？」
「係裝修公司裝的。其實佢係咪應該識得提我要裝道門仔維修時用呢？唔
係期望個客識得提佢呀？」
「係呀，裝修師父真係好多時都提漏呢D野！」
「老實講呢D伏真係好難避喎。佢地裝機時冇理由期望部機唔會壞丫？」
「呢個正正係裝修行業既問題。即使師父完哂工，你都唔知道其實佢做得好
唔好。亦因為咁，好多時係冇誘因、亦冇渠道去改進。當然亦加上冇人識哂
所有野... 師父幾十年冇裝過幾次風槽式冷氣，一D都唔出奇。其實而家出左
事，你都未必會搵番個師父，教番佢下次記得提個客啦...」
「裝修呢家野真係... 做得幾差都好，你冇仇報，仲分分鐘起中伏前介紹左幾
個朋友客俾佢...」
「呢個就係我搞裝修防伏班既原因... 以此為例，佢係屬於『考慮維修方式』
既一個例子...」
---
故事講到呢度。
好多時候，客戶都期望設計師會提醒你設計上既所有野，裝修師父會提醒你裝修上既所有野。
我好肯定咁講：冇呢支歌仔唱。
戶主必須學識防伏，好多野只有戶主和師父同心協力才能做到！
