選購家電,買行貨定水貨?(教你分 水貨 行貨 分別)

2019年04月03日
0
74436
究竟電器 水貨 行貨 分別喺邊?

香港人喜歡趁著到日本旅遊時,順道買電動牙刷或其他電器,自帶水貨回港。買水貨存在優點和缺點,優點係肯定是原裝貨,缺點係壞咗就要想辦法維修,通常是把壞咗嘅電器郵寄去日本原廠再等候:重點係你要識當地語言。英語還好,日語就比較頭痛。以下,裝修佬以知名英國家電品牌Dyson為例子,逐一分析水貨和行貨之別。

選購家電,買行貨定水貨? 

Dyson行貨 V.S. 水貨

講起Dyson產品,多數會透過外國網站(例如Amazon.com)進行網購,或在香港買水貨:只因為水貨售價通常較行貨平幾百至一千多元。水貨、行貨實質分別不大,但在保養、電壓、配件等各方面,水貨可能會為用家帶來煩惱(通常係插蘇頭),以下有水貨/行貨嘅分別:

(1) 貨品送貨

行貨:免費送貨,有保證,消費者安心
水貨:有機會寄失,寄件途中有機會損壞
無論係Amazon、ebay或者其他網站買水貨,產品响運送過程中,都有機會因包裝不當而受損,亦有寄失嘅風險。買本地行貨就唔會有此問題。

(2) 產品保養

行貨:官方保養
水貨:要寄回原產地維修,一定有額外郵費
本地買水貨的話,其實接近無保養,最多有商戶提供嘅7日有壞包換。萬一有事,基本上要將產品寄回原廠,運費自己比,再考慮來回寄兩次,肯定花唔少時間。另一個選擇係非官方維修服務,唔理服務質量,收費通常不低。如果買行貨,一般有2年保養,亦有售後服務,所以貴幾百蚊其實值得。

(3) 電壓插頭

行貨:香港標準,無煩惱
水貨:不同國家有不同標準,幾乎肯定要變壓火牛或轉插
出售水貨嘅店舖會標明產品係英版、美版、日版等,主要原因係有不同電壓/插頭制式標準。香港電壓為220V,用三腳插頭,同英國制式相同,所以英國電器可以直接在香港使用;至於美國、日本就分別用110V、100V電壓,插頭亦唔一樣,所以要轉插,甚至需配搭變壓火牛,不然就會有機會整壞電器。

選購家電,買行貨定水貨? 

近年行水差價收窄

早幾年買Dyson吸塵機為例,行貨、水貨嘅差價著實有一段距離,不過近年這個「差價」正逐步收窄,而且大型家電店不時會推出優惠,其實行貨嘅優勢已經不用懷疑。
選購家電,買行貨定水貨?(教你分 水貨 行貨 分別)
消委會 x 防伏情報
78篇