第202伏 - 考你眼光─鏡櫃點做好?

2015年11月22日
0
119098

第202伏 - 考你眼光─鏡櫃點做好?

裝修完工,沒破沒爛冇野執,並不代表是最好。可以用同樣價錢,造得

更好,而沒有做到,那亦是伏。所以防伏的價值並不只是為了「避損失/

慳錢」,更是為了「提升戶主改善工程效果的能力」。以下是一個鏡櫃

的設計,伏在哪?


(即:大家從圖片看出了什麼可以改進的地方嗎?)


解:

第202伏 - 解!(附防伏心態)

A - Mark電制位時要諗「會否頂櫃門」,出櫃圖時要諗開櫃門會否撞到什麼。

戶主做邊組決定先,都會忽略另一組。所以裝修要「盡早做哂所有(both)決定」

就係咁解。當裝修師傅同傢俬設計分開,戶主責任會大左好多,會好蝕底,亦

係咁解。

B - 唔留梗邊,唔好話撞制面,撞牆都唔好。呢D戶主起睇示範單位時,應該知

道師傅識唔識諗埋呢D。不過有時世事既野好難講。有時師傅上一單做得好,下

一單又未必,所以戶主必須自行學會防伏。否則:無得怨。

C - 其實我一直唔同意做鏡櫃的,濕既野你唔想放入去,乾既一枝枝野,用完都會

變左濕,日日UP住D濕野起入面唔係咁好。反正現在戶主需要另外整個架去放D濕

既野。咁鏡櫃梗係有用,但佢凸出左黎,變相洗手盤又要造出D,否則戶主刷牙時

頂頭,總的來說,位置只會少左唔會多左,得不如失。

D - 條電線「吊吊Fing」其實唔係問題,不過如果細心D,可以要求做得近邊近角D、

整短D條線等等,成本其實並不太,早講的話,就是一句說話而已。

E - 呢點冇乜版友提到,就係櫃門太大啦。倒影可見,浴室空間不是太大,個鏡櫃門

成個衣櫃門咁闊,雖然用落會習慣,但並不是最聰明的設計。這些東西,如果傢俬店

唔識諗,戶主好易會忽略。


講住咁多啦──

所以真係求下大家裝修一定黎上防伏班~ 冇老點。你覺得賺唔番十倍可以要求回水的,

我真係唔想成日收到戶主中伏既inbox message~ 很是可惜!



第202伏 - 考你眼光─鏡櫃點做好?
裝修中伏大全
225篇