第134伏 - 所托非人、要錢唔要口碑？
2015年11月26日
0
138466
版友：「之前起你個post留過言話驚爛尾，宜家做得七七八八，但好似
你咁講，做得好求其。有一樣野想問：佢宜家唔肯幫我整門口位，但係
佢整爛架，我可以點做？」
「係佢整爛佢唔肯整既理由係乜？」
「佢話我地個d係空心磚，拆門就會咁，唔係佢問題喎！」
我唔知版友工程包括什麼。如果只係整門，師父收既又真係只係收裝門錢，
咁的確可能係唔包門週邊既工程。但如果版友係做全屋工程，咁理應係包括埋門邊。
其實所有報價單，都唔會將所有細節列出。等於報價單從來不會寫明批盪批幾厚
，咁佢都唔可以0.1mm當做一層丫！呢D好明顯唔係「戶主冇講」既問題，係「
所托非人」既問題！其實，裝修界雖然沒有明文寫下的「行規」，但肯定有約定
俗成的做法。有些情況擺明係師父蝦戶主(明明包埋話唔包)，亦有時係戶主蝦師
父(明明唔包屈包埋)。唔肯定既，問問我地，有需要既，我幫你開post睇下其他
版友/師父點講你就知。
確定左係邊個蝦邊個，先可以講應該點處理。
PS: 如果版友係成單工程交俾裝修公司做，而完成品係好似幅圖咁既，請連同報價單send俾我地舉報...
PPS: 版友繼續send其他部分既完成圖俾我，比這圖驚嚇好多... 講真，如果裝修公司咁都過到自己，我諗版友點都要搵人執手尾。所產生既額外費用，就起尾數度扣，天經地義... (反正咁既質素，你都唔好預佢會幫你保養)
