第125伏 - 貼錢送瘟神?

2015年11月28日
0
118836


先聽戶主既分享(我CUT短左):

「我舊年有幸買左層樓,要裝修。判頭經朋友介紹。最後裝修手工奇差

,共拖左我十個月。大家吵哂大穫,我無俾後尾兩期數,佢就揾追數公

司追我數!最後解決辦法係貼錢送瘟神。送上佢話做到靚靚仔仔嘅手工

比大家欣賞...


工程係舊年七月開始,但師父係鐘意就上下黎整下,最後到四、五月,我

就同佢反枱,我set左個日期最後通碟比對方,若果係22/5仲未搞掂,我唔

會比尾數,當然最後佢求其交貨比我,我就認為佢未完工,我最後鎖門唔

再比師父上黎。


所以,以下兩幅圖,係所謂完成品……左面幅圖係洗手間,鐵箱裏面係裝

浴室寶喉,圓形本來係抽氣扇,唔夠位,佢就鋸開抽氣扇外框同鐵箱拼貼

,我決定唔要抽氣扇,補番玻璃,佢就咁樣補。右邊幅圖係未完成嘅廚房

抽油煙機位。


我既問題係:會有渠道舉報呢啲裝修公司嗎?我問過法律意見……佢地叫

我揾驗樓師驗樓。驗樓師話張合約好多地方對我不利的,尤其係無日期。

驗樓師提供一個方法,去屋苑嘅管理處睇下有無登記裝修紀錄,搵到有我

同對方簽名嘅紀錄,有寫工程開始日期同預計完結日,由18/7/2013至

18/10/2013約三個月。

又想問,呢張紀錄可補合約不足嗎?法律的力度如何?」


版主答:

1. 睇到呢D相,第一個感覺係「乜係新裝修黎」?但我都唔想加深你既傷痛。

多謝你用圖片提醒大家「睇師父施工質素」既重要。好多時睇一睇勝過千言萬語。


2. D野裝落去,唔係話黐實就得。要考慮清潔、更換、維修。唔同既項目中,

有D係師父有責任提戶主,有D自購東西係戶主要自己問舖頭,再提師父。如

果師父唔幫你考慮用落既問題,你中伏機會會大好多。所以睇施工現場/同師

父傾報價時,除左價錢,不妨留意下呢方面佢盡唔盡負...


3. 法律我唔熟,但我想講「告上法庭」都唔一定要有十足證據。五萬蚊以下,

小額錢債,百零二百蚊就告得,唔洗律師。如果佢害到你好慘,告一告佢,其

實你冇乜損失。反而佢俾人影一影損失更大,可能怕曝光同你和解... 拿我呢D

絕對唔係專業意見黎。我亦都奉勸大家,告人之前盡量嘗試溝通,唔好亂告人

。因為嘗試打爛人飯碗,係好惹火既行為,非必要唔好做...


另外我想提大家,如果唔係同公司簽約,而係同個人簽,你至少要影印埋佢既

身份證副本。如果唔係,間裝修公司有問題,你呢頭同人地講「強記係黑店」

,佢那頭將店名改為「德記」。我個黑名單儲到幾長都冇用...


裝修中伏大全
194篇
搵緊裝修?
裝修佬免費網上裝修配對服務幫到您。
  •  免費上門度尺報價
  •  12小時內專人回覆
  •  專業意見專人跟進
立即查詢
1. 地區
2. 聯絡資料
不要以WhatsApp聯絡我
3. 補充資料
裝修佬科技有限公司的隱私政策
而家登記,送您半日裝修防伏班!
不需要裝修防伏班
馬上預約 暫時不要
立即試用裝修佬免費配對服務!