地磚選擇懶人包(一)

2019年10月24日
0
27495


地磚喺地面裝飾舉足輕重嘅一環,無論質地定喺顏色嘅選擇都直接影響咗家居整體風格。想要做好室內裝修,選擇正確嘅地磚喺首要條件!而香港戶主大部分都會選擇瓷磚,今日小編就收錄左裝修防伏學院舉辦嘅裝修物料班,喺入面抽錄嘅一啲揀磚小貼士,同大家分享幾個揀瓷磚時要注意嘅重點!

 

1.如何分辨磚嘅品質?


判別磚質並非依靠牌子或產地,因為同一牌子亦有分優等及次等。揀磚最緊要就喺要知道磚嘅質地究竟喺咩!瓷磚主要分成三種,純瓷磚,過底磚及陶瓷磚。其中以純瓷磚品質最高,較為平滑。過底磚其次,然後就喺一般陶瓷磚。其實用呢個分類方法就已經可以知道磚嘅品質高低。當然市面上亦有以爐溫及QC(品質檢定)方法分辨,但一般情況下以磚質作為標準就已經好足夠!

 

2.到大陸買磚好嗎?


有部分香港人會對義大利磚有情意結,認為喺一啲不規則款式上可能會更為美觀。其實義大利磚同大陸磚相差嘅只喺花紋技術嘅分別,但其實磚嘅平直度並唔喺產地主導,所以產地有分別並唔可以決定質量!當然如果大家對義大利品牌較有信心,可以買義大利品牌既大陸磚,價錢就會較低。 

如果買磚量唔多,戶主應考慮扣減北上所花的車費、時間,以及磚嘅
運費等等後,可以節省嘅成本有幾多。如果部分磚仍要喺香港買,會唔會又
失去了全批在香港買的優惠?即使決定喺大陸買磚,小編亦建議應幫襯有介紹人推薦嘅舖頭。曾經有個別戶主報告鴛鴦色、不對花等個案。戶主應評估萬一出事,換磚的麻煩以及對工期、裝修工程嘅成本影響是否值得。

 

3.裝修買磚應該自己買定搵裝修公司代購?


其實即使喺自己買定係搵裝修公司買,價錢一般唔會相差好遠。但小編建議買磚時與裝修師傅同行,咁樣有助雙方喺唔同磚款嘅舖法,大細以及其他潛在嘅附加費用。戶主亦可以表達自己對於室內裝飾風格既構思,等裝修師傅評估可行性,裝修起上黎自然快手好多!


揀磚既學問可謂五花八門,真係睇少眼都好易中伏!如果想知道更多有關揀磚既知識,記得去報名參加裝修防伏學院既免費建材講座—「磚」家講座喇!

建材小百科
61篇
搵緊裝修?
裝修佬免費網上裝修配對服務幫到您。
  •  免費上門度尺報價
  •  12小時內專人回覆
  •  專業意見專人跟進
立即查詢
1. 地區
2. 聯絡資料
致電前先以whatsapp聯絡我
3. 補充資料
裝修佬科技有限公司的隱私政策
而家登記,送您半日裝修防伏班!
不需要裝修防伏班
馬上預約 暫時不要
立即試用裝修佬免費配對服務!