裝修佬話你知: 屋企牆紙出問題點處理好?

2019年12月23日
1
334243
裝修佬話你知: 屋企裝紙出問題點處理好?

牆紙係常用嘅家居裝飾材料,牆紙嘅裝飾效果佳,施工亦較為簡單方便,所以唔少戶主都鐘意用牆紙裝飾牆身。牆紙雖好,但使用時間長咗,會容易出現翹邊、破損等問題,遇到呢D情況應該點算好?裝修佬話你知。
 
牆紙起泡 
如果屋企牆紙有起泡情況出現,一般係由於牆面局部粘貼時塗膠唔均勻,因缺膠而起泡造成。可用針係牆紙表面起泡位置拮一個窿,然後放出氣體,取適量膠粘放入針眼粘緊,用平整書本壓平自然乾便可。 
 
牆紙翹起 
牆紙翹起一般係因為天氣溫度及濕度嘅變化產生熱脹冷縮情況,一般只需要用牆紙膠粘貼,再用平整書本壓一壓即可。 
 
牆紙發霉 
室內空氣潮濕,加上室內通風唔好,霉菌就會係牆紙上滋生。對付牆紙發霉可先用乾布擦下牆面,再將漂白水或者稀釋嘅牆紙清潔劑來抹有霉菌嘅牆面。 

牆紙破損 
牆紙破損時有發生,多數係由於被硬物刮傷或者碰傷。小面積嘅破損可用膠水粘貼修補;如果面積較大一般建議重新鋪貼。 

牆紙發黃 
如果當時入住時牆灰尚未乾透貼牆紙,牆灰中鹼性物質易與牆紙底發生化學反應,令表面發黃,呢種情況較難處理,需將牆面剷除,重新施工; 如果係住幾年後出現發黃情況,大部分係因為紙質受日照及空氣接觸而老化所致,可以用加咗漂白水嘅毛巾抹,等半個鐘後再用清水擦抹一次,可先係牆角隱蔽處做一小塊試驗觀察效果,如果效果理想可用做全面處理。 

裝修佬話你知: 屋企牆紙出問題點處理好?
康少
342篇