【評析消委會測評】無線直立吸塵機/吸塵器

2020年01月25日
1
74417
【評析消委會測評】無線直立吸塵機

【評析消委會測評】無線直立吸塵機

今期消委會對無線直立式吸塵機/吸塵器做咗個測評,上圖左邊 22 項都係消委會評價嘅考慮項目,仲有右邊樣本 13 項資料俾消費者參考。乍看之下真係好豐富,但其實真正有用的有邊D?有冇啲報告冇提及,但其實更重要的東西?裝修學院今次同大家分析下呢次消委會測評,並分享下用家需要特別留意的項目。

消委會測評內容

【評析消委會測評】無線直立吸塵機

消委會今次用咗五個大項目黎分析:

吸淨能力
續航力及吸力維持
省電程度
寧靜程度
使用方便度

每個大項入面都再細分幾個測試內容,有啲樣本例如Dyson V11 Absolute吸淨力高到有4.5分,有樣本喺 5 項項目中高低分差異好大,有啲就平均啲,但佢入面究竟測咗啲乜?細睇發現評價「使用方便程度」欄入面有項係說明書,文章用咗一大段篇幅去講述說明書嘅優劣比較。老實講,說明書如何易讀,都不是消費者關心的重點吧!

吸塵機不需萬用 配件吸頭從沒用過

此外,評測中的20 個測試樣本配件非常多,但用家真正會用到嗎?購買初期你可能都會俾下心機換下吸頭吸塵,後期可能半年先用得一次縫隙吸頭去徹底清潔。多個掃頭吸頭不單實用度低,同時又浪費位置去儲存。又例如測試樣本入面好多款都配置床舖吸頭,但有不少消費者都話,寧願買個塵蟎吸塵機,都唔要用吸地板嘅吸塵機換個頭去吸啲床上用品。

至於續航力,當然重要,但又不是越長越好。測試入面提到樣本嘅續航力由7-38分鐘不等,但以一般香港單位的大小,吸十幾分鐘乜都吸晒啦,所以即使唔揀啲續航力太短嘅吸塵機,續航力太長亦冇乜用,用家揀返15 - 20分鐘嘅吸塵機就夠,並不一定是「5粒星最好」。

報告三大忽略重點:耐用、輕、易清潔


那重點是什麼呢?

相信消費者買部過千蚊嘅吸塵機都想佢陪你三五七年,好多人買之前都會上網搜尋「XX牌吸塵機 壽命」,瀏覽啲唔知真定假嘅網上資料,以估估下嘅心態去買。今次消委會報告提咗呢 20 款吸塵機都有 1-3 年嘅保養期同寫明更換電池幾錢,但就冇測試部吸塵機耐唔耐用。如果消委會可以喺吸塵機嘅摩打或者鋰電池耐用度入手測試下,一定會成為大家購買時考慮因素之一。

此外,我哋訪問咗一個用直立式吸塵機幾年嘅真實用家,Chloe 3 年前買Bosch嘅一款2016出產嘅直立式吸塵機 (原價約$2,),用咗幾年佢感想係:買嘅時候冇為意,個部機重量成3.1KG,每日拎住佢吸塵都真係幾攰。另外Chloe最怕要洗佢個隔塵袋,要拆開四舊嘢先拆到個袋出黎洗,勁麻煩。Chloe最後表示下次買直立式吸塵機,除了吸淨力、價錢、寧靜度等有被評測的項目以外,重量和清潔方便程度也會列入考慮行列。

消委會測評入面,重量只係作為資料被記錄,冇加入評分考慮之中。但喺用家真係用到嘅時候就會明白重量嘅影響力,家電用得舒適係重要嘅考慮因素,所以大家唔好忽視呀!

總結

今次消委會無線直立吸塵機測試報告確實有可取之處,主要係以功能出發,但係有啲位就冇乜考慮用家真實使用感受。如果增加重量、耐用度等等,更重要更貼身嘅測試,一定能夠提升測評嘅參考度。各位消費者係選擇直立式吸塵機嘅時候,除咗消委會測評,不妨考慮下本文提及嘅幾個重點,選取實用同真正方便自己使用嘅產品。

消委會 x 防伏情報
65篇
搵緊裝修?
裝修佬免費網上裝修配對服務幫到您。
  •  免費上門度尺報價
  •  12小時內專人回覆
  •  專業意見專人跟進
立即查詢
1. 地區
2. 聯絡資料
不要以WhatsApp聯絡我
3. 補充資料
裝修佬科技有限公司的隱私政策
而家登記,送您半日裝修防伏班!
不需要裝修防伏班
馬上預約 暫時不要
立即試用裝修佬免費配對服務!