第70伏 - 蘆薈除甲醛？
2015年12月14日
1
180869
有版友說：不希望被裝修建材的揮發毒氣如甲醛影響健康。
部分有初生嬰兒更重視這一點(其實即使沒有也很應重視)。
這些有毒氣體，不是「聞唔到就冇」，亦不是一兩個月、一兩年可以消散淨盡。
然而，由梳化到櫃到油漆... 乜鬼野都要防甲醛係冇乜可能。亦都貴！俾貴左又冇效果，亦都笨！
咁種植物又如何？網上不少「10大去甲醛植物」是真有效果的嗎？是不是裝盞射燈，長期射住佢，當埋裝飾呢？
---
答：
1) 乜鬼都買防甲醛，自然是不化算的。正如日前版友提出的E0和E1木，又沒有認證，又要加你過萬蚊，咁仲有地板呢、梳化呢？你幾有心都未必可以做到全屋建材防毒...
2) 植物吸，可行嗎？簡單來說，房間越大越難見效 (假設你不會放一整蘆薈在房間)，而且還要燈光照射，晚上難用；再加上日落後綠色植物會釋出二氧化碳，你仍放到一屋都是嗎？而且盆栽也有惹蚊等問題；再加上買個靚盆栽、開燈位、裝盞燈，也要錢呀！話雖如此，有很多盆栽的吸有害物質的有效範圍比蘆薈大，如果真心喜歡也是可行的。
3) 但其實除了植物，也有很多方式，包括有版友提到的備長炭、淨化機、光觸媒、CT觸媒。備長炭最平，不過要搵空間擺到一屋都係炭；好既空氣淨化機三千蚊左右，要計埋電費同埋要廳房搬黎搬去用；CT/光觸媒是用噴劑方式將釋放出來的甲醛和VOC(揮發性有機物質)中和，有儀器檢測前後濃度，價錢和空氣淨化機相若~ 可以有效代替駛很多錢買仲未普及(ie 高成本)既無毒建材。我問過一間光觸媒公司 - $8.5/平方呎，星期五去跟他們詳細了解，如果做300呎空間只需$2,600，肯定平過「E0櫃」先啦！~ smile 表情符號
(我自己試完再同大家分享各方面成效和心得)
