【 裝修仝人誌.Dejay篇 】 做Marketing 要新要快 預有人抄

2020年02月17日
3
448
【 裝修仝人誌.Dejay篇 】 做Marketing 要新要快 預有人抄

「做Marketing!你只要不進,就會退!」裝修佬助理市場經理(B2C)Dejay道。

Dejay由傳統公司加入裝修佬已經一年多,總結這段日子,會令人覺得「他辛苦了,也變強了 !」

「我喺舊公司係做Event Marketing,只要完成咗件事就Ok,唔使為件事負責!但嚟到裝修佬 ,負嘅責任多咗,壓力係大咗嘅,但成功感亦都多咗!」

為何「多咗」呢?「係空間!喺裝修佬,當你諗到個Idea,而大家亦認為有價值,成Team就會立即去做!而唔同一般傳統公司嘅主管,只求穩陣同安全!」Dejay道

說到這裡,Dejay就以裝修佬最近針對青衣長康邨武漢肺炎事件所作出的反應做例子!

想法實行 需要無框架無限制

於2月11日(星期二)凌晨,長康邨爆出第二宗武漢肺炎確診個案,並懷疑與廁所排氣喉沒有密封有關後,公司已即時在Facebook專頁出Post,而當日正午起,公司亦已聯絡到相關專家作訪問,並拍攝短片,繼而推出內容,而香港不同傳媒亦相繼引用。

其後,公司團隊更策劃全港Y2型屋苑隔氣及排氣管的免費檢查計劃,並於2月16日展開第一個屋邨檢查,整個行動,前後只在幾日內完成!「呢種想法換到喺傳統公司,根本係無實行嘅空間!但喺裝修佬就可以!呢到係無框架!無限制!」
【 裝修仝人誌.Dejay篇 】 做Marketing 要新要快 預有人抄
裝修佬助理市場經理(B2C)Dejay(右)認為,於初創工作,機會是無限,重點是員工本身願意Take幾多。

對於Dejay來說,這年來,另一最深的感受,是沒有東西是恆久不變。不求進步,只求安逸,只會退步。

市場變得快 好東西一定被抄

「香港嗰市場係變得好快,好嘢亦好快被人抄!有D嘢雖然喺而家好順暢,但當有D不可抵擋嘅外力因素發生咗,一樣原本好順嘅嘢,隨時會因為一D原因,一夜打冧!所以如果只係一味 靠食老本,真係會好出事!」

說到這裡,Dejay就舉了他於半年前的一個經歷做例子:「好似我先排諗到個Plan,用嚟做宣傳,效果係幾好,但接住落嚟,因為社會發生咗好多嘢,D嘢即刻唔同晒!」

所以,Dejay認為,工作就是要經常試不同東西。「唔可以不停食老本,因為你唔會知,老本 會唔會突然間唔Work!所以,喺任何時間都要不停去諗去試新嘢,咁即使其中一樣出咗 事,你都仲有其他嘢揸喺手。」

從上述Dejay的分享可見,在裝修佬工作,創作的空間是很大,但為應對市場的急速變化及對手的抄襲,就需不停求變,不停創新!

【 裝修仝人誌.Dejay篇 】 做Marketing 要新要快 預有人抄
裝修仝人誌
23篇