裝修名人堂 Charles & Danny :「當自己屋企咁裝修」

2020年02月19日
24
24602
裝修名人堂 Cherles & Danny :「當自己屋企咁裝修」

Danny與Charles,一個熟知水喉知識,一個多年裝修經驗,他們在工程界的人海之中相識,志同道合創辦了裝修工程公司。

公司成立一年有多,兩人分工明確,畫圖與建材。問他們有沒有最喜歡的作品,他們笑言:「個個都滿意㗎喎!」,Charles每次也要把圖畫得滿意才交給客人,然後到Danny負責建材,再安排自家師傅隊團施工,做到滿意才出貨。每次都花盡心思完成的工作,當客人的家就是自己家的心態去裝修。

細心滿足客戶需要 客戶滿意又安心

兩人仔細介紹工作流程,一切只為了帶給客人一個安心的裝修經驗,度尺後快速和客戶開群組,到畫圖,再報價,定期報告進度。「鏟底、用咩料,做完防水都會影相Send出Group,最重要Show到俾客知,我哋一定跟得足,夠詳細。」,面對不了解裝修的客人的無數提問,他們不厭其煩且即時回覆。

客人都喜歡他們,溝通向來有講有笑,相處十分舒服。他們難道就沒有遇過挑剔的客人嗎?「有啲客人要求高,例如廚櫃有漬要還原,將檯花咗要求全個換。換!梗係換啦,應份嘅,咁先係服務!」有時施工流程繁多,實在難注意到一些細微的東西,但他們明白客人對自己家的敏感,因此都會仔細耹聽客人要求,盡力去令客人滿意。

裝修報價貴在優質建材 自家團隊免轉判

Danny同樣對自己所選的建材非常有信心。「有時報價唔好只係睇價錢高低。人哋做10K點解我哋做12K?其實大家人工差唔多,只因為收貴咗係靚料嘅成本上,客人除咗可以先上網做調查,鋪頭仲有建材樣版可即時做對比。用心揀料嘅客人就會明,我哋果2K係用喺料度。」

問到裝修界經常被誤會的事,Danny坦言很多客人覺得裝修工程公司一定會收得貴,因為會「轉判」,即接單後再判給其他人做,從中再賺一筆中介費。但Danny與Charles的公司十數人裡,有木工、電工、水喉專家等,自己的師傅團隊自然不會有外判賺錢的問題。

可靠團隊合作無間 心態正面又積極

Danny與Charles的團隊平均35歲,心態年輕同時經驗豐富,肯試肯搏,很多公司怕風險不敢試的工程他們都會試。員工遇到問題也十分信賴同事和老闆,即時在公司群組上通知及討論,因此Danny和Charles在管理上就更容易。加上兩人自身的裝修經驗,與師傅們溝通毫無問題。

用一個形容詞形容對方?他們異口同聲說「可靠。」。「其實正常裝修完交樓前會閂好水電總掣。有次客人上去收樓,發現冇電,擔心電路有問題就搵Danny。Danny即刻上門做檢查,原來只係個客冇開總掣,但Danny一啲都冇hea個客,好細心。」

講了這麼多裝修上的事,最後決定問問他們的個人生活。平常這麼忙,假日做些甚麼?「好少放假㗎喎。開左公司之後,星期六日都做嘢。鍾意囉!唔鍾意點堅持落去?而家做大(老闆),就係要搏殺啦!」

裝修佬教你裝修

想裝修的人有甚麼要注意?Charles立刻答「廚廁防水」。「裝修最怕漏水,基層裝修係裝修最重要一環。其他嘢有花有缺口都有得救,漏水就要全部鏟起先可以修鋪。防水做得唔夠完善,開支一定最大。」
裝修名人堂 Charles & Danny :「當自己屋企咁裝修」
裝修名人堂
153篇