裝修名人堂 Eric & David 推誠相見 顧客信任是最大鼓舞
2020年03月04日
1
36207
公司由上年八月起步，Eric與David各有專長，其實早在五年前已經共事，他們之間不需要太多指令與對話，已能了解對方需要，因此一直合作無間。
Eric從印刷轉行到裝修，兩者工作內容相近。「其實流程好似，報價、跟進生產時間表、採購物料、同師傅溝通都一樣。而唔同既位係，印刷係人哋俾指令你就跟住做，但做裝修自己一手掌握嘅多好多，就好似湊個bb出黎咁，滿足感大好多。」
David修讀室內設計，做過一兩間室內設計公司，大小公司都試過，現今跟只坐著畫平面圖的過往不同。「初初係大公司做，分開工程同畫圖team，係唔會掂到工程部份。而家成個過程都要跟進，一條龍，由接客、開單、畫圖，現場跟進質素到完工，自己全部都有份。」
Eric想到了甚麼哈哈大笑起來，「啊，最重要係裝修冇年齡限制，唔洗咁快退休！想做就可以做落去！」David同樣笑著點頭認同。
對客求信任 時間預算做到足
新客人來到公司，每次都是一個新邂逅。每個相遇都依賴這三個月時間互相認識，由起初的不熟識，到客人對Eric和David產生信任並不是容易的事，每每都依靠兩人的踏實和認真。
Eric認為自己身為判頭，需善用對時間的掌控去取得客戶的信任。「其他師傅成日同啲客講『過兩日囉，下個禮拜囉』，啲客唔會安心，就會不停追問。我會係做之前就有個schedule俾客交待好。Schedule唔係單純俾個客睇，我哋自己都要跟實，有schedule就算落後左都可以知道，同時盡快跟返上進度。」
第二樣令客人能看出公司心思，對其產生信任的便是「報價」。「報價要夠詳細。有啲公司份報價單，一欄可以報五千到萬五，一萬到三萬，range好大，又好多野冇講，到時發現要加錢，個客就會問『唔係包埋架咩？』。所以我哋報價唔留空白位。做啲咩就咩價錢，仔細列多啲細欄目。」
David補充，在做圖的過程中已要對預算做好掌控。在設計那一刻已準確預算的話，就能清晰向客人交待，到動工時便不會有過份的超支情況，減少過程中的誤會。
Eric認為自己身為判頭，需善用對時間的掌控去取得客戶的信任。「其他師傅成日同啲客講『過兩日囉，下個禮拜囉』，啲客唔會安心，就會不停追問。我會係做之前就有個schedule俾客交待好。Schedule唔係單純俾個客睇，我哋自己都要跟實，有schedule就算落後左都可以知道，同時盡快跟返上進度。」
第二樣令客人能看出公司心思，對其產生信任的便是「報價」。「報價要夠詳細。有啲公司份報價單，一欄可以報五千到萬五，一萬到三萬，range好大，又好多野冇講，到時發現要加錢，個客就會問『唔係包埋架咩？』。所以我哋報價唔留空白位。做啲咩就咩價錢，仔細列多啲細欄目。」
David補充，在做圖的過程中已要對預算做好掌控。在設計那一刻已準確預算的話，就能清晰向客人交待，到動工時便不會有過份的超支情況，減少過程中的誤會。
推誠相見終苦盡甘來
Eric與David得到客人的信任，全靠他們真誠對待每一單工程。例如客人本身只請他們做基層的裝修，後來主動請他們加單處埋傢俬的工程。「曾經有一次係三房單位做基本裝修，阿媽同個仔，個仔結婚老婆搬入去，想要多啲自己空間。我就幫佢哋諗，最後係衣櫃偷咗啲位做多咗個廁所，咁就唔洗爭啦。佢哋好鍾意，最後叫我哋整埋傢俬。」
David曾遇過一位客人，讓他放手去做，全盤交給他處理，結果客人非常滿意。他拿著相片，仔細解釋相片中房子的優點，如何把無間隔的200呎房子加強空間感，又如何以地台床去分隔空間等等。看出他對自己作品的滿足，更從他娓娓道來時的神情，感覺到客人的信任對他來說是最大的鼓舞。
David曾遇過一位客人，讓他放手去做，全盤交給他處理，結果客人非常滿意。他拿著相片，仔細解釋相片中房子的優點，如何把無間隔的200呎房子加強空間感，又如何以地台床去分隔空間等等。看出他對自己作品的滿足，更從他娓娓道來時的神情，感覺到客人的信任對他來說是最大的鼓舞。
裝修佬教你裝修
想裝修的人有甚麼要注意？
Eric：「水喉一定要檢查有冇漏，如果公家喉就要同管理處講。櫃做得唔好可以扔，可以忍，但喉有問題就後患無窮。」
David：「每個人裝修前，腦海入面都有一個畫面，盡力話俾我知啦。可能兩人初初合作，你會唔敢講你嘅想象，但其實最終使用者係你，所以其實客人同樣係設計師嚟㗎。
David：「每個人裝修前，腦海入面都有一個畫面，盡力話俾我知啦。可能兩人初初合作，你會唔敢講你嘅想象，但其實最終使用者係你，所以其實客人同樣係設計師嚟㗎。
我會盡力協助令你嘅想象可以實現。最好可以有參考相，一齊睇，將佢由十張變三張，慢慢縮窄範圍。知道你屋企間隔之後，將呢三張主題相放入屋內就係我嘅責任啦。」
