裝修名人堂Dicky 做能兌現的承諾 穩中求勝之道
2020年03月11日
2
35366
從熱愛裝修設計自己動手做，到現有三間公司，原來轉眼間已經10年了。千錘百鍊的Dicky神情與他人與別不同，沉實地說出10年間所見盡的裝修界變化，並訂立出自己公司的理念，持之以恆的向未來進發。
自立門戶 從不驕傲
「以前做保養其實已經有晒電牌、水喉牌、唔同牌照，所以我同自己講，唔再做保養，試下做裝修。如果做唔掂咪做返保養囉，都算係追過夢。」人生第一次動手去幫朋友做裝修，自己去學去試，過程中發現這才是自己真正想做的事，然後就做足準備，去自立門戶，可見年輕時的Dicky行動力和努力已為現在的成功在鋪路。
「我覺得自己算唔上成功㗎。一直行緊，因為慢慢咁爬上去就會發現，叻嘅人好多，走得比你快同成功。所以頭頂唔可以充滿光環，咁只會令你睇唔到前路。」
「我覺得自己算唔上成功㗎。一直行緊，因為慢慢咁爬上去就會發現，叻嘅人好多，走得比你快同成功。所以頭頂唔可以充滿光環，咁只會令你睇唔到前路。」
做管理捨棄與得著也多
「我成日講自己作為龍頭，隻船翻唔翻都係睇你點管理，扭黎扭去就會左搖右擺。唔識控制方向唔啱。就會沉船。」Dicky坦言現在像個trainer，安撫員工情緒、調解員工客人之間的誤會、奔走於三間分店，訪問中也來電不斷，忙得不可開交，已不像以前落手落腳做裝修時那般自由。
「做裝修輕鬆好多，自己又鍾意，做鍾意嘅嘢時間過得好快，樂在其中。」問到會否有念頭重執工具，Dicky答道：「哈哈，手痕癮就戒咗啦，依家係要學用眼光去監管件事。同員工一齊去夾好啲，因為你知道下次動手做嘅都係佢，不如指導佢點做仲好啲。自己落手，次次都幫咗佢，咁樣員工就冇成長，最終都係辛苦自己同佢。」
「做裝修輕鬆好多，自己又鍾意，做鍾意嘅嘢時間過得好快，樂在其中。」問到會否有念頭重執工具，Dicky答道：「哈哈，手痕癮就戒咗啦，依家係要學用眼光去監管件事。同員工一齊去夾好啲，因為你知道下次動手做嘅都係佢，不如指導佢點做仲好啲。自己落手，次次都幫咗佢，咁樣員工就冇成長，最終都係辛苦自己同佢。」
承諾最重要
Dicky認為做裝修最忌「下爬輕輕」，為了能賺錢，把自己完成不到的事勉強答應，只會破壞大家感情。「明明同客人相處三個月好似朋友咁，但就係因為你之前口輕輕下嘅承諾做唔到，搞到最後幾日大家反晒面咁。」Dicky表示，人不是神，人有限度。「又例如，有啲判頭手上有成十單job，對住新單都仲係話：『好啊！照比我啊！』，其實你知佢做唔到。」因此身為老闆的他深明評估自己，評估員工很重要，評估大家能不能夠完成客人的要求。
「管人唔難，管自己最難。管人狠心就可以，管自己好難狠心。」Dicky經常教導員工，他們是帶領整個工程，要懂得溝通，對客的說話要正確的接收，給師傅的指令要清晰，然後調節到整件事變得可行。
另外，士氣也是管理自己重要的一環。「工地收工唔好同人好風騷咁講『我收工啦byebye』，大家就會跟住你走，成個地盤士氣就會打散晒。唔係留難你，見得多就明，前線士氣真係很重要。」
「管人唔難，管自己最難。管人狠心就可以，管自己好難狠心。」Dicky經常教導員工，他們是帶領整個工程，要懂得溝通，對客的說話要正確的接收，給師傅的指令要清晰，然後調節到整件事變得可行。
另外，士氣也是管理自己重要的一環。「工地收工唔好同人好風騷咁講『我收工啦byebye』，大家就會跟住你走，成個地盤士氣就會打散晒。唔係留難你，見得多就明，前線士氣真係很重要。」
三管齊下 在逆市中行走
逆市當前，Dicky為了不被風浪擊潰，以三樣方案為公司建立堅固的堡壘：口碑、地舖、宣傳。口碑來自老師傅的做法，「以前裝修靠口碑，舊式老師傅只需要做好口碑就可以，就唔愁冇生意。」服務做到足，只下做得到的承諾，口碑自然養成。
承接了好的口碑，再來就是實體店。「門口靚靚已經好吸引，整體感覺高檔可信，只要屋苑唔靜，點都生存得到。」。再來就是宣傳，「宣傳唔可以單靠口碑，網上宣傳或者中介係大趨勢。」
開源節流，適宜地調配支金。「保留營運資金同時，開左三個門口去俾人搵到我哋。」三樣方案其實各有長短，但三種同時進行，做到拉長補短，承先啟後，讓Dicky在裝修量大減的市道中穩健行走。
「都係果句，只下做得到嘅承諾。」想可以下得到更多承諾？「學多啲囉。我成日都叫同事去多啲旅行，睇多啲人哋點做。」飽經歷練的Dicky至今仍未停步，鼓勵員工學習同時，想在管理方面學更多，提升公司的質素，給予更好的環境員工和顧客。
承接了好的口碑，再來就是實體店。「門口靚靚已經好吸引，整體感覺高檔可信，只要屋苑唔靜，點都生存得到。」。再來就是宣傳，「宣傳唔可以單靠口碑，網上宣傳或者中介係大趨勢。」
開源節流，適宜地調配支金。「保留營運資金同時，開左三個門口去俾人搵到我哋。」三樣方案其實各有長短，但三種同時進行，做到拉長補短，承先啟後，讓Dicky在裝修量大減的市道中穩健行走。
「都係果句，只下做得到嘅承諾。」想可以下得到更多承諾？「學多啲囉。我成日都叫同事去多啲旅行，睇多啲人哋點做。」飽經歷練的Dicky至今仍未停步，鼓勵員工學習同時，想在管理方面學更多，提升公司的質素，給予更好的環境員工和顧客。
