廁所冧巨型石屎露生銹鋼筋 戶主搬入3年險揼穿頭【附簡單檢查3式】
2020年03月16日
0
19931
[
短篇大論...]
短篇大論...]
石屎剝落經常發生喺舊式樓宇身上，如發現石屎剝落、鋼筋外露就要盡快維修喇! 但係石屎好地地又點解會剝落呢? 等裝修顧問天生裝修佬話你知啦!
單位日久失修可帶來種種問題，甚至影響住戶安全。一位網民住所廁所天花近日突然剝落大片石屎，體積之大恐揼穿頭，幸而當時裡面無人才避過一劫。有裝修專家指出，濕氣太重或樓上滲水都有機會導致石屎剝落問題，住戶可以透過觀察裂紋等幾個簡單方法，自行檢查外牆及天花是否安全，以及早發現問題並盡快向專家求助。
