第46伏 - 吧枱必諗七件事 (已解)
2015年12月18日
0
180865
一張吧枱，表面上就係一塊板同一枝野。但你唔想造左出黎，因為SIZE、高度、厚度、收邊、顏色... 諗偏左一樣野，而令到佢唔好睇或者唔好用。七個問題，造張靚吧枱！
20 Likes開! 歡迎留言，中左我會講！其實唔難！^_<
第一：高度決定感覺，而高唔高，除左睇張枱，亦好睇你張凳。經濟實惠既吧凳，選擇唔多。如果你唔想搵吧凳搵得咁辛苦，或者打算用IKEA吧凳(ONE SIZE)既，先搵左凳，再定吧枱高度，唔係分分鐘造出黎唔啱高！
第二：收口有冇翹高。如果一塊板直角插入牆再封膠，好核突又難抹(容易將污糟野抹左去條邊)！造番個一寸左右高、好似「檔水」咁既L字收邊，係必須的(唔明我再俾相)。
第三：長闊決定用得舒唔舒服──如圖所見，你放餐墊(13寸X18寸)都要位置。先度一下。餐墊必須放是因為仿石易污糟。如果冇咁多位，一係就造張用係齋飲野既SIZE，一係就好似下圖放到餐墊既SIZE。切忌唔湯唔水，用得唔舒服。
第四：厚度──我造的是寸半，感覺都唔錯。如果再薄望落個比例會怪(除非你有特別design啦)。
第五：下面釘個籃──你唔想張吧枱亂既，下面鑲個薄籃用黎裝雜誌同收餐墊。很有用。叫師父裝兩口螺絲好簡單。
第六：條鋼管──唔好太幼。圖中的是約兩寸半直徑。望落去很好看。要注意佢唔會阻左D凳拍入去。
第七：考慮外圍──例如，不要跟窗造到水平。雖然吧台suppose要高於旁邊例如廚房台面，但唔好貼近窗。設計師就係咁SUGGEST我，好在我沒跟，唔係拉窗簾後就會麻煩地「積」左起張吧枱上面。
