裝修名人堂 Ken 以深厚技藝取勝 為裝修定立準則
2020年04月01日
4
28367
20年工程經驗，Ken小至維修大至基建，見盡了各類大小工程，始終覺得安居裝修得到的樂趣是無可取代。「做商業裝修搵錢快，但唔會俾你去設計，跟住設計師去做就得。做屋企裝修就煩啲，家居多啲嘢俾你去諗，去設計同控制，屋企做得成功，其實有佢嘅樂趣係度。」
Ken自小就喜歡思考如何擺件，如何去善用空間，早已命定他成為裝修師傅的路，無論有多辛苦。「有啲時間搵得少錢，又有時做得唔太開心，我成日都話做埋呢單唔做啦，哈。但其實都係得個講字，完成每一單嗰個滿足感，都會令我繼續做下一單。」
裝修如診症 理想七成實際三成
先了解客戶需要，再以自身經驗調節客戶的要求，Ken對待個一單生意都如醫生診症一樣。「例如客人俾張相你，話想做到咁，我哋會話可以試試，但唔好做到完全照抄，要因應返你屋企情況。因為有時同其他地方拼埋一齊做唔到個效果，或者用起上嚟其實唔方便。最終係抄七成，三成始終都要跟返屋企實際需要。」
「例如張相係大U型廚櫃，但其實你個廚房好細，或者你預算做唔到，如果強行用人地嘅款式，係顯露唔到嗰種靚，反而會顯得俗氣。嗰時我就會幫客人諗，點樣將將相嘅一小部份展示出黎，令人覺得成件事小巧精緻。」診症過後，Ken更會對症下藥，給予客人合宜的方案。「幫佢平衡到做到佢想要嘅嘢，又慳到佢個荷包，呢啲就係診症。」
「始終做工程係實牙實齒嘅嘢，要將樣嘢做成個成品出嚟，我哋嘅責任係把關」Ken多年經驗，技術根底深厚，能判別設計的可行性及實用性。面對天馬行空的設計，Ken一眼便能知道預算是否用得其所。
「而家流行做閣仔，例如有人會話要做層板，要薄身又要硬淨。冇錯，用鐵係可以，但閣仔最多咪兩個人坐係度，其實用木都做到，承托得到。仲有，都係睇budget做人，係有限嘅budget勉強去做，得出嚟嘅結果有機會強差人意。」
「例如張相係大U型廚櫃，但其實你個廚房好細，或者你預算做唔到，如果強行用人地嘅款式，係顯露唔到嗰種靚，反而會顯得俗氣。嗰時我就會幫客人諗，點樣將將相嘅一小部份展示出黎，令人覺得成件事小巧精緻。」診症過後，Ken更會對症下藥，給予客人合宜的方案。「幫佢平衡到做到佢想要嘅嘢，又慳到佢個荷包，呢啲就係診症。」
「始終做工程係實牙實齒嘅嘢，要將樣嘢做成個成品出嚟，我哋嘅責任係把關」Ken多年經驗，技術根底深厚，能判別設計的可行性及實用性。面對天馬行空的設計，Ken一眼便能知道預算是否用得其所。
「而家流行做閣仔，例如有人會話要做層板，要薄身又要硬淨。冇錯，用鐵係可以，但閣仔最多咪兩個人坐係度，其實用木都做到，承托得到。仲有，都係睇budget做人，係有限嘅budget勉強去做，得出嚟嘅結果有機會強差人意。」
好設計不能只有「靚」 更應為未來維修考量
一個好的家居設計不能只思考「靚」的問題，更要考慮未來的事。「係我技術角度嚟睇，如果有一樣嘢一出問題就要全部拆晒嚟維修，咁就唔係好設計。有時見到啲設計圖，就知入面冇諗過維修呢個問題，個客更加唔會識睇，唔會知。由其而家啲野快壞，電器壽命平均三五年。呢啲你一定要由裝修果刻就要預示到。」
為業界研發新產品 定立行業標準
Ken不止步於優質家居裝修，一直為業界研發改良日常的裝修工具。「我哋睇到個趨勢，之前做水喉，見到啲工具其實唔方便，就會諗點解咁笨，冇進階版。通常講完果句說話，一兩年後新產品就會出現係市場。人地實踐左出黎，點解我哋唔抓住先機呢？其實嗰啲唔一定賺到大錢，不過崇高啲講，對行業都有貢獻。」
目前Ken以傢俬研發為目標，投資傢俬廠，希望提升自家傢俬品質。「依家我哋廠都搞緊標準化。就好似裝修約章一樣，行入面有啲行規混亂模糊，所以就要搞個標準出嚟。我哋就係自己公司出品有個指標界線。大家跟住黎做就冇咁亂，唔好一人一個方式。」
目前Ken以傢俬研發為目標，投資傢俬廠，希望提升自家傢俬品質。「依家我哋廠都搞緊標準化。就好似裝修約章一樣，行入面有啲行規混亂模糊，所以就要搞個標準出嚟。我哋就係自己公司出品有個指標界線。大家跟住黎做就冇咁亂，唔好一人一個方式。」
主動接觸客戶 著手培訓團隊
面對逆市，Ken覺得只要跟上時代步伐，仍有一定的市場。「上年年頭覺得公司應該要積極向外行。」過往靠工藝就能得到客人的賞識，現在Ken認為要讓更多人接觸到他的優質技術。「以前會覺得做好自己就夠，客自然會主動介紹客，依家興網頁，我哋都要用返年輕人嘅溝通語言，跟時代走，往後就容易啲做落去。」
如研發產品一樣，Ken明白開辟新客源要時間，可藉此培訓員工。「既然要花時間，不如宏觀少少咁睇，借機培訓多啲自己員工，要搵多啲Job先有機會培訓到員工啊嘛，控制返個工藝水平。開辟同培訓都要時間，咁不如一齊做，一齊進步啦！」
如研發產品一樣，Ken明白開辟新客源要時間，可藉此培訓員工。「既然要花時間，不如宏觀少少咁睇，借機培訓多啲自己員工，要搵多啲Job先有機會培訓到員工啊嘛，控制返個工藝水平。開辟同培訓都要時間，咁不如一齊做，一齊進步啦！」
