第76伏 - [防伏難度極高!! ] 裝修的夢魘──新裝修地板報銷？！

2015年12月20日

135781

早上起床，發現不能長期浸水的無縫地板竟然出現積水！(右圖所示)

適逢呢幾日落大雨，牆外對出地台又下陷，會唔會係D積水滲入黎？

冇理由既！裝修時，已經積極防了這伏。

一來，鏟起個地後，如果有呢個問題，一定見到水漬。

二來，裝修期間黑雨，如果有呢個問題，當時一定發現！而當時明明見到只有近門口俾水滲出水泥，呢幅牆係乾的！

積水的地方，下面完全沒有水管。咁究竟呢灘水係邊度黎既呢？！！

呢個咁慘痛既伏，你完全有機會中，而防伏的難度非常高！

直到100 Likes 都冇人估到，就會 update 此 post 開估!!!!!

唔少人估到啦！就係樓下開大冷氣！

話說樓下用一部2匹冷氣吹均全屋，而扇頁又向上撥，加上牆身櫃頂有約一尺的坑，那位置頓成「冰窖」！

此伏難避，係因為你唔會知道樓下係咩人，點樣用野。而佢法律上雖然有責任(佢既行為導致他人財產受損)，但責任卻未去到黑白分明，因為佢不知情下開冷氣，根據Tort Law概念，佢未必算係有疏忽。

於是，我就叫管業處做見證，請樓下業主簽番份野。如果佢起知情既情況下都仲黎料，佢既法律責任係無可置疑的！

咁如何防伏？我有個提議，大家可以俾D意見！

封信也會稍後upload俾大家參考！

原文連結:https://zh-hk.facebook.com/fuklopedia/

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修中伏大全; 裝修佬; 裝修; 地板;