裝修名人堂 李生 裝修是種責任 要靈活有效解決客人疑難
2020年09月16日
0
36396
李生有一個成為演員的夢想，自己卻走上了裝修佬的生涯，從談話間感覺到兩者他都仍甚是喜歡。「而家當然鍾意裝修，而演員呢，一日演員一世演員㗎啦！」李生仍堅持每星期也要抽時間唱歌夾Band，誰說理想和麵包不能共存。
從油漆工程開始 領悟裝修講求耐心細緻
李生父親的裝修公司在裝修界有名氣，接手政府多個大型項目，他自小就接觸裝修行業。父親公司油漆項目最為拿手，他從小看到大油漆工程，其細膩是讓李生最心動的位置。「油漆易學難精，雖則佢唔起眼，但最重要做出嚟全屋整體靚唔靚，都係靠油漆。油漆俾人感覺係化妝，但內裡要求其實好多。」
「油漆講耐性細心，細微到一個細窿，驟眼睇唔到，但係當你上油之後，你就會第一時間見到見到個瑕疵。」「油漆同時負責守尾門，雖然工程一般係中段開始，但佢永遠都係守尾門，因為其他工程部份點都會撞嚟撞去，點都需要嚟多次，所以油漆師傅要清楚當時嘅環境，工序，變通力要好高。」
「油漆講耐性細心，細微到一個細窿，驟眼睇唔到，但係當你上油之後，你就會第一時間見到見到個瑕疵。」「油漆同時負責守尾門，雖然工程一般係中段開始，但佢永遠都係守尾門，因為其他工程部份點都會撞嚟撞去，點都需要嚟多次，所以油漆師傅要清楚當時嘅環境，工序，變通力要好高。」
裝修是種責任 擔起客人、員工、家庭
看得多聽得多，隨著李生成年，他也走入了裝修行業。「有由小到大嘅知識，不如就繼續做落去。」「細個時有自己嘅夢想同理想，做演員維生係困難，有公司想簽我但最後我怕競爭太大，唔想自己到30歲都仲浮浮沉沉。」
對李生來說裝修是一種責任，不再只有自己。「後生時候未必識諗，做太子唔洗憂，可以唔洗點樣理，追尋自己夢想，但當時爸爸公司唔得，要我幫手去做，只可以扚起心肝去做，同自己講點都要做好佢。」踏實且有承擔地走下去從不容易，李生一直默默地努力十餘年。
對李生來說裝修是一種責任，不再只有自己。「後生時候未必識諗，做太子唔洗憂，可以唔洗點樣理，追尋自己夢想，但當時爸爸公司唔得，要我幫手去做，只可以扚起心肝去做，同自己講點都要做好佢。」踏實且有承擔地走下去從不容易，李生一直默默地努力十餘年。
從演藝中領域溝通和理解
雖然走入裝修界，但演員的心沒有離開過李生。「自小醉心做戲，所以成日研究人哋嘅說話，聽、講、溝通，習慣用腦思考，呢樣嘢其實做裝修公司都用得著。你夠唔夠細心聽客人想要乜，客人唔識表達，你理唔理解到佢背後意思，講唔講得清啲裝修知識俾客聽。全部都有關。」
沒有不能解決的問題 靈活變通生妙計
問到他公司的優勢時，李生說：「就係……對於我嚟講冇問題解決唔到，哈哈！」問題總有解決辦法，裝修尤其可見這道理，客人無法解決的問題，李生總是在有限的資源內解決疑難，應用他的靈活變通。
「曾經有個外國客，個屋頂篷已入則唔拆得，落雨樓下露台好似係著瀑布下面咁。客人就話露台想整個窗，但只預算三萬元，加玻璃、入則，搭棚起碼十幾萬，最後我諗咗計仔，決定屋頂加渠去水，其實已經可以解決到瀑布問題。」
「近期有單，清水灣獨立屋三日之內完工。臨場應變好重要，客人有求於我哋，我哋都會盡力去完成。」客人walk in找他，一千四百呎三日內完工未必每間裝修公司也願意接單，但李生不同，本著「沒有不能解決的難題」的心態，加上對自家師傅能力的了解和優秀的時間管理技能，把複雜的流程協調妥當。
作為裝修公司老闆，負責養起一班員工師傅，又認真對待每個單位，必然困身，會否感到一刻的疲憊？李生毫不遲疑的回答：「唔攰，愈忙愈興奮，即係證明你成功咗。」
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
「曾經有個外國客，個屋頂篷已入則唔拆得，落雨樓下露台好似係著瀑布下面咁。客人就話露台想整個窗，但只預算三萬元，加玻璃、入則，搭棚起碼十幾萬，最後我諗咗計仔，決定屋頂加渠去水，其實已經可以解決到瀑布問題。」
「近期有單，清水灣獨立屋三日之內完工。臨場應變好重要，客人有求於我哋，我哋都會盡力去完成。」客人walk in找他，一千四百呎三日內完工未必每間裝修公司也願意接單，但李生不同，本著「沒有不能解決的難題」的心態，加上對自家師傅能力的了解和優秀的時間管理技能，把複雜的流程協調妥當。
作為裝修公司老闆，負責養起一班員工師傅，又認真對待每個單位，必然困身，會否感到一刻的疲憊？李生毫不遲疑的回答：「唔攰，愈忙愈興奮，即係證明你成功咗。」
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
