裝修名人堂鍾先生從無到有為客人帶來一個新的家

2020年10月14日

28379

年輕的鍾先生喜歡設計，從全科到專修室內設計，未來的路其實早已確立。

年青時開始隨著父親腳步走入了裝修行業。跟父親的團隊學師，水電、泥水、油漆、木工、裝工，數年間每一樣都慢慢細學。「因為要知點做，先知道點做好裝修嘅管理。」

靈活運用時間協調多方團體

鍾先生由設計，施工，監工，材料一手包辦，協調各方面有條理。能處理得到如此繁複的事務需要時間管理能力優秀。

「因為一個月唔係只係做一單，每一單要負責咁多樣嘢，仲要同個客溝通，了解佢想要嘅設計，物料等等，各種各樣。另外你仲要同廠家溝通，仲要同伙記溝通去達到個客要求嘅效果，全部都係時間。」

對時間管理最深刻的一次經歷是位於香港仔的補習社。「正常我哋裝修3至4個月嘅時間去完成一個單位，今次要求要15日內完成。補習社入到去係水泥地，未盪平，要裝天花鋪地下，牆身髹油，拉電等等。」

他運用好的時間管理能力和協調力，令這時間緊拙的工作順利完成。「一個單位油漆，天花師傅一齊安排喺度做，唔算大嘅地方，所以我先要喺嗰度睇住，然後睇下啲師傅做邊樣先唔會影響第二個去做，姐係同一日要調節師傅如何走動。」一切都是費盡精力和智力的，鍾先生非常滿意結果。

鍾先生認為裝修最重要的其實是溝通，有如他說想去清晰了解客人需要，溝通是必要的。「其實技術上唔係最難，師傅手工好就得，反而最重要係要同個客溝通，去做到佢想要嘅嘢。」

不少裝修戶主為求安心，更了解裝修，會網上翻閱無數資料，但其實裝修有千萬個途徑，每家裝修公司也不同，甚至是每個單位也不同，不能照板煮碗使用。而鍾生先也遇過這樣的情況。

「有時客人未必好清楚每間屋嘅結構唔同，一套方法唔可以跟足。我會好清晰咁同佢講潛在風險，例如佢想浴室整齊啲要將個熱水爐收入櫃，但其實以後維修就好麻煩。咁我就同佢講清楚，佢堅持，就要幫佢諗折衷方法，令佢日後維修方便少少。」

鍾先生與父親各司其職，負責自己拿手項目。「我哋接返嚟就會分我感興趣或佢感興趣，佢主力做公屋、店舖、寫字樓、酒吧、茶餐廳、餐廳。」

而他特別喜愛做舊屋翻新的工作。「我自己喜歡舊屋翻新，舊屋翻新多數好多嘢可以變，例如之前有個客搵我，佢屋企係好耐年前嘅樓，有歷史，有20年以上樓齡，入面裝修都係以前格調，要將成間屋所有嘢都打晒，重新設計過，即等於新樓，連地磚啊乜都冇咁重新黎過。」

「我喜歡去聽個客要求之後，盡可能就住佢個成本去將佢間屋去用唔同嘅物料做到佢想要嘅效果，係佢預算之中，不多不少。」鍾先生喜歡創新，靈活度大，仍緊守客人的要求，貼心為他們著想。

入行已經一段長時間，回顧最令鍾先生喜歡裝修就是「由冇到有」的過程，「喜歡一件事由冇變到有，一手一腳搞有，好有成功感。」一切重新開始，鍾先生「由冇到有」為客人帶來一個新的家。

想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修佬; 裝修; 故事;