裝修名人堂 Wing 裝修中責任感為大 協調多方解決工程問題
2020年10月21日
1
36204
Wing面孔流露著和善的神態，然而在這柔和的外表下是堅持，對裝修行業和對自己的一種堅韌態度。
Wing從小就幫親戚做裝修，搬屋、木工、油漆等等，以遊玩的心態做著學徒，後來為了延伸這份和裝修業的緣份，他認真地修讀了室內設計。
「其實細個嘅方向諗住做一啲簡單啲，做寫字樓畫下圖仔，但做做下覺得畫圖好悶，有時一畫就畫成幾日，就諗起以前跟親戚做裝修，覺得做foreman可能仲好啲。」一入裝修界竟是深海，不能安坐的Wing自此開始踏入裝修管理的領域。
協調多方得宜 處變不驚井然有序
「有時做裝修好似砌模型咁，幫人整個理想嘅屋企，其實啲客都開心，有啲客會同你講『你話事啦』，重點係我哋做完出嚟佢哋滿意。」師傅、客人、單位、建材等等，Wing把各方元素組合且協調起來，拼湊出完美的家。
作為管理人員，要宏觀看工程，Wing細數每一款工程，給矛信任的師傅大指示。「個腦要好知道自己做緊乜，如何安排。好似度尺咁，度完尺呢，俾張圖紙夾開嘅師傅，佢會自動波去做。裝修呢，重點喺安排水電夾位，基本你同個客傾完，我一定要去mark位，mark晒電掣水喉，跟住師傅就跟住做，就好易做，好多師傅就會自動波。唔會混亂，分配得好。」
「你要知道去到邊啲位咩人要落手，然後到傢俬上廠，跟住排好期，邊一度出傢俬先，間屋就會隨住你嘅指示慢慢成型。」配合公司規模，Wing能同時處理11單工作而處變不驚，井然有序。
作為管理人員，要宏觀看工程，Wing細數每一款工程，給矛信任的師傅大指示。「個腦要好知道自己做緊乜，如何安排。好似度尺咁，度完尺呢，俾張圖紙夾開嘅師傅，佢會自動波去做。裝修呢，重點喺安排水電夾位，基本你同個客傾完，我一定要去mark位，mark晒電掣水喉，跟住師傅就跟住做，就好易做，好多師傅就會自動波。唔會混亂，分配得好。」
「你要知道去到邊啲位咩人要落手，然後到傢俬上廠，跟住排好期，邊一度出傢俬先，間屋就會隨住你嘅指示慢慢成型。」配合公司規模，Wing能同時處理11單工作而處變不驚，井然有序。
裝修中責任感為大 對得住高要求的自己對得住客
這樣強大的協調力必需有很多條件，Wing認為在公司「誠信、責任、創新、共贏」的座右銘中「責任」最為重要。「我自己就覺得責任最重要，話三個月完工我就一定三個月完工俾你。」
「有責任感嘅裝修佬，一定要完到工俾個客。另外一啲冇責任感嘅人，好多走佬單，拎錢就走佬㗎啦，咁呢啲就冇誠信啦，所以責任其實係所有嘢嘅第一步。有先可以做好其他嘢。」
「每一個單位都要過得到自己先過得到人，如果自己都過唔到就係揜住良心，唔可以『得㗎啦』嘅心態，要以自己收唔收貨為標準。」Wing以自己為準則，加上時刻嚴謹對待自己，面對各樣困難時，堅韌就在此顯露。
「有責任感嘅裝修佬，一定要完到工俾個客。另外一啲冇責任感嘅人，好多走佬單，拎錢就走佬㗎啦，咁呢啲就冇誠信啦，所以責任其實係所有嘢嘅第一步。有先可以做好其他嘢。」
「每一個單位都要過得到自己先過得到人，如果自己都過唔到就係揜住良心，唔可以『得㗎啦』嘅心態，要以自己收唔收貨為標準。」Wing以自己為準則，加上時刻嚴謹對待自己，面對各樣困難時，堅韌就在此顯露。
工程千變萬化 學習如何自己解決問題
Wing從小自己修電腦、自己試用各種軟件，喜歡靠自己力量去研究，去努力學習如何解決問題。他憶述自己把「裝修」帶入雲石公司，自己提出的項目自己負責，短短一年內脫胎換骨。「嗰時裝修就全部我負責，我去跟晒，做晒好辛苦，咩都係靠自己拆掂佢，嗰一年操晒自己基本所有知識，無論石同裝修，同師傅又熟咗。」
Wing談及一次自覺最成功的經歷是來自他最拿手的項目，雲石。「客人想做納米白大面積啞面雲石地，但其實大陸啲石啲色好難控制，加上裝修嘅時候地下污糟，雲石裝完，然後用大機磨，磨完再用水洗完之後，啲陰陽色先出嚟嘅，做嘅時候你唔會知，裝出嚟色差好大。」
「同公司一齊jam咗好耐解決方法，周圍搵資料，結果用咗好多工人，同埋啲相近嘅潤色去磨，磨到直到個客肯接受。經過今次經驗之後，以後識得點樣處理。就會發現做工程就係不停咁學，因為技術不停咁變。」裝修千變萬化，一本天書不能走到老，唯有不斷學習和試驗才能解決每次迎來的難題。
本著解決問題成就優質家居的心態的Wing，在項目中自動補位。「特別係埋尾嗰下，有啲師傅唔習慣埋尾，但我擅長埋尾，吱膠、收口、度尺啊。睇下去邊個位缺人，我咪頂邊個位。做管理，就係睇到成件事，然後自動補位，靠自己。」
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
Wing談及一次自覺最成功的經歷是來自他最拿手的項目，雲石。「客人想做納米白大面積啞面雲石地，但其實大陸啲石啲色好難控制，加上裝修嘅時候地下污糟，雲石裝完，然後用大機磨，磨完再用水洗完之後，啲陰陽色先出嚟嘅，做嘅時候你唔會知，裝出嚟色差好大。」
「同公司一齊jam咗好耐解決方法，周圍搵資料，結果用咗好多工人，同埋啲相近嘅潤色去磨，磨到直到個客肯接受。經過今次經驗之後，以後識得點樣處理。就會發現做工程就係不停咁學，因為技術不停咁變。」裝修千變萬化，一本天書不能走到老，唯有不斷學習和試驗才能解決每次迎來的難題。
本著解決問題成就優質家居的心態的Wing，在項目中自動補位。「特別係埋尾嗰下，有啲師傅唔習慣埋尾，但我擅長埋尾，吱膠、收口、度尺啊。睇下去邊個位缺人，我咪頂邊個位。做管理，就係睇到成件事，然後自動補位，靠自己。」
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
