裝修名人堂 兵哥 專注工藝四十年 做裝修必須有活力與責任心
2020年10月28日
0
36232
轉眼間已是四十年，裝修對兵哥來說已是種習慣，是生命的一部份。「而家習慣左啦，唔做反而周身都有問題，休息兩日就開始唔舒服，哈哈！」
從專注木工工藝到多才多藝
十幾歲的兵哥，聽從母親的說話：「在鄉下就是要學一門手藝養家」，懵懂的他就開始學木工的路。兵哥笑言，拜師兩年，沒薪金地學手藝是過往年代的常態。「要白做兩年，當自己學手藝，以前我呢個年代係咁㗎。」
「以前鄉下做鬥木同香港唔同，以前做木工就單單木工冇其他，落到香港就乜都要學。」十多年專注木工的兵哥，到香港工作發現竟是一個新天地，他發現只專注於木工是完全不夠，各種各樣的裝修範疇可以幫助木工工藝。
「做木工，就係乜都要識，唔識就會影響其他工程範疇。例如喺個櫃底起上嚟，個燈點樣行你都要知，例如邊個位一定要有個掣面，邊個位一定要出線，要預，所以話其實樣樣基本功都要通嘅。」
裝修範疇眾多，一個師傅會花數十年去精通一門功藝，要再修練多一門從來不是易事，所以兵哥堅信：「冇可能樣樣都精通，有人咁講一定係呃人嘅，姐係話應該係精一樣嘢，其他嘅執頭執尾識搞就得。」
來港修練裝修各個範疇，也是為未來的事業鋪路。「而家有自己公司，就係要樣樣都識做。要識水電泥水油漆等等，姐係話要學到收尾執濕碎嘢自己可以搞掂。要精要靚嘅就搵專業師傅同你一齊做，執頭執尾嗰啲就自己做返。」
「以前鄉下做鬥木同香港唔同，以前做木工就單單木工冇其他，落到香港就乜都要學。」十多年專注木工的兵哥，到香港工作發現竟是一個新天地，他發現只專注於木工是完全不夠，各種各樣的裝修範疇可以幫助木工工藝。
「做木工，就係乜都要識，唔識就會影響其他工程範疇。例如喺個櫃底起上嚟，個燈點樣行你都要知，例如邊個位一定要有個掣面，邊個位一定要出線，要預，所以話其實樣樣基本功都要通嘅。」
裝修範疇眾多，一個師傅會花數十年去精通一門功藝，要再修練多一門從來不是易事，所以兵哥堅信：「冇可能樣樣都精通，有人咁講一定係呃人嘅，姐係話應該係精一樣嘢，其他嘅執頭執尾識搞就得。」
來港修練裝修各個範疇，也是為未來的事業鋪路。「而家有自己公司，就係要樣樣都識做。要識水電泥水油漆等等，姐係話要學到收尾執濕碎嘢自己可以搞掂。要精要靚嘅就搵專業師傅同你一齊做，執頭執尾嗰啲就自己做返。」
以挑戰保持活力
兵哥把裝修視為習慣，但並非代表只停留在自己的安舒區。他說：「我鍾意木工，總之鍾意冇做過嘅嘢。」單單是木工一門，每項工程內容也千變萬化，這份挑戰是使兵哥保持活力的來源。
「好似上年做咗個旋轉樓梯，旋轉樓梯鐵做，燒焊焊咗個架出嚟，要用木包住，呢樣係我冇做過嘅嘢，就走去試。要自己諗埋點整，點樣先會包得靚，睇著夠順夠流暢。」兵哥總是用自己深厚的技術去挑戰各種新事物，五十幾歲仍期待新挑戰，才能做得開心。
「好似上年做咗個旋轉樓梯，旋轉樓梯鐵做，燒焊焊咗個架出嚟，要用木包住，呢樣係我冇做過嘅嘢，就走去試。要自己諗埋點整，點樣先會包得靚，睇著夠順夠流暢。」兵哥總是用自己深厚的技術去挑戰各種新事物，五十幾歲仍期待新挑戰，才能做得開心。
裝修以責任心為重 從客人角度出發
談及兵哥認為做裝修最重要的事，兵哥認為是責任心，要懂得換位思考。「姐係唔可以只當自己係個師傅，係裝修公司老闆，去「幫」業主做裝修，而係要當自己就係個業主。你必需為自己嘅單位負責，做靚佢。」
子承父業之路 柔和堅定
如此有責任心又愛挑戰的兵哥，接下來的目標是甚麼？發展公司？非也。「哈，我呢個歲數做多十年八年就差唔多㗎啦，所以公司就順其自然。等個仔學有所成，就交俾佢，退休嚕，佢自己搞。」兵哥兒子隨著父親的腳步，修讀完建築設計後開始成為學師。兵哥現在則專注於工藝挑戰，公司發展就向著子承父業的路一步步前進。
預計兒子甚麼時候能出師？他懷著父親該有的信任和柔和看了一看兒子，貫徹眼裡隨和的笑意說道。「哈哈，差唔多5年啦！讀書讀完一定要跟工程，好多嘢教，每一項範疇都要野要學。跟住5年，佢就可以獨立，呢啲一定要慢慢一步一步嚟啦。」
一步一步，兵哥這步伐一走就是四十年，始終柔和而堅定。
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
預計兒子甚麼時候能出師？他懷著父親該有的信任和柔和看了一看兒子，貫徹眼裡隨和的笑意說道。「哈哈，差唔多5年啦！讀書讀完一定要跟工程，好多嘢教，每一項範疇都要野要學。跟住5年，佢就可以獨立，呢啲一定要慢慢一步一步嚟啦。」
一步一步，兵哥這步伐一走就是四十年，始終柔和而堅定。
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
