2021裝修及室內設計貼士100點合集（第 1 - 19 點） 附文：裝修佬教你搵裝修公司
2020年12月10日
0
180941
唔想裝修貼錢買難受就一定要睇完呢個系列嘅文，每篇都梗有幾點hit中你。無論你想搵裝修公司、自己DIY搞interior design，又或者想了解裝修工程點驗收，例如點驗防水或空心磚呢D，呢篇文都會幫到你。好多人起網上搵資料睇，OK嘅，但要留意地區分別，中港台澳既常用裝修物料都好唔同；如果你用英文搜尋 house design / home design 呢D字，就更會發現內容完全唔適用於香港。媒體文章方面，筆者有好多文章登起蘋果動新聞、晴報、HK01，或者iMoney等等，但係往往分得好散，咁不如我寫幾篇大雜燴懶人包俾大家廣傳仲好。我大約會寫5篇，每篇結尾我會賣少少廣告咁樣。
首先講下裝修物料：
裝修物料Part1（第1至6點）：油漆篇
1. 油漆唔好用油性，呢樣野一定要同師傅講，尤其手掃漆磁漆，你唔講明，有 8成師傅都會用油性。
2. 而家市面上所有油漆都有水性，仲有好多顏色，光面啞面任你揀，所以如果師傅話「水性油漆光面好肉酸」，你就知道佢既認知唔update囉！師傅覺得油性油漆耐用D實淨D，其實無錯，但就係舊觀念黎。呢幾年油漆水性配方改進左好多。
3. 點解唔好用油性油漆，因為佢用天拿水開，無甲醛，但有好多VOC，好毒。好多人平日開冷氣關窗生活，咁就食哂D VOC，你叫師傅做嘢時唔開窗佢都唔制啦。
4. 提多一點，除甲醛同除VOC係兩回事，市面上除甲醛產品未必除到VOC，而有D會冒認除到，所以為免中招，最好唔好主動用D高VOC既產品啦！
5. 有人問，油漆油牆係咪一定係用立邦多樂士呢？拿，乳膠漆係佢地真係主流亦唔錯既選擇，但油漆無論幾靚都只係油漆，一樣會有墙裂既風險，唔想有墙裂既可能，就要考慮貴價D、非乳膠漆既塗料選擇。
6. 我唔係講黑板漆白板漆呢D，呢D我覺得比唔上淘寶既黑白板貼，但藝術顏料就係一種貴D靚D唔易霉唔易有墙裂問題既選項，咁當然多樂士同立邦亦都各自有自己系列既藝術顏料。
裝修物料Part2（第7至8點）：磁磚篇
7. 磁磚 （ 瓷磚）要注意既嘢有好多，想聽哂真係要黎上堂，但空心磚問題係最多人關心，可以講下。空心磚既成因有三點：
● 一係因為防水料造得太厚；
● 二係瓷砖條罅留得太窄；
● 三亦係最常見既原因─就係磁磚（瓷磚）無浸水。
8. 地磚例如木紋磚密度高唔駛浸，但牆磚就要多數要浸。點知要唔要瓷磚浸水，你浸落水睇下有冇泡出，有就即係要。飲唔飽水就鋪就會出現空心磚。你將牆身磚同木紋地磚放入水就會見到分別，真係唔肯定就問下賣磚舖啦！
8. 地磚例如木紋磚密度高唔駛浸，但牆磚就要多數要浸。點知要唔要瓷磚浸水，你浸落水睇下有冇泡出，有就即係要。飲唔飽水就鋪就會出現空心磚。你將牆身磚同木紋地磚放入水就會見到分別，真係唔肯定就問下賣磚舖啦！
裝修物料Part3（第9至12點）：地板篇
9. 地板既選擇好多人搞唔掂，因為無統一用字。首先要講下無縫地板。我寫文從來唔講無縫地板，因為無縫地板唔係一種物料黎，只係代表佢係用扣榫方式安裝。膠地板無縫地板同木地板無縫地板性質根本唔同，木地板又分為木纖維地板(laminate)同實木複合地板(engineered wood)，兩者無論起安裝定係特性上係完全唔同，所以睇文章講無縫地板，好容易會越黎越亂。
10. 除左無縫地板，複合地板都係好麻煩既terms，大陸既複合地板同香港既複合地板係兩樣物料黎。
11. 如果唔想用磚鋪地，你應該比較膠地板、石塑地板（英文名叫SPC地板）同埋纖維地板呢三種。如果講最值得大家留意既，一定係SPC 地板，因為佢完全防水，唔怕受潮。新加坡同香港氣候相近，多數人都係用SPC地板，好少用纖維地板。呢個完全係因為市場有冇人推廣，令大家識唔識呢隻物料所致。
12. 實木地板基本上又貴又唔耐用，已經算係俾市場淘汰左。唔講佢。
纖維木地板VS實木複合地板
| 香港 | 外國 | 意思 |
|---|---|---|
| 木纖維地板 | Laminate Flooring | 面層是木紋印刷色紙，內層是由木碎（MDF高密度纖維板）壓成 |
| 實木複合地板 | Engineered Wood | 面層是實木，下面是由不同層數的夾板夾成 |
10. 除左無縫地板，複合地板都係好麻煩既terms，大陸既複合地板同香港既複合地板係兩樣物料黎。
11. 如果唔想用磚鋪地，你應該比較膠地板、石塑地板（英文名叫SPC地板）同埋纖維地板呢三種。如果講最值得大家留意既，一定係SPC 地板，因為佢完全防水，唔怕受潮。新加坡同香港氣候相近，多數人都係用SPC地板，好少用纖維地板。呢個完全係因為市場有冇人推廣，令大家識唔識呢隻物料所致。
12. 實木地板基本上又貴又唔耐用，已經算係俾市場淘汰左。唔講佢。
常見地板分類圖
裝修物料Part4（第13至19點）：傢俬篇
13. 到傢俬物料啦。好多人問點揀，又問用夾板好定纖維板好。其實門板要輕、否則五金負荷重，背板要高密度、否則五金唔爛但背板爛，個櫃都係會塌。咁你話應該用夾板定纖維板？呢D細節一般係傢俬廠同埋裝修公司按櫃既結構需要去調整。如果裝修公司問番你用咩料，你應該叫佢俾意見先，唔係一陣工程開始左佢咩都問番你轉頭，你就好大壓力架啦。
14. 好師傅係應該識得俾建議客人，而唔係下下問番客，否則呢個口盔就未免戴得太穩啦。
15. 傢俬真係要客揀既，反而係面料，即係焗漆、膠板、木板三種。最值得大家了解既就係膠板，又叫防火板，市面上有西德板防火板、formica防火板、德利板防火板呢D。防火板容易清潔、抗壓抗刮都強，所以造地台都係用防火膠板多。
16. 防火板唯一唔好處，係防火板邊既碰口位有黑邊，要戶主要識得主動同公司講要用封邊條封邊，否則裝修公司一定唔會封，因為係逐尺計架。另外，地台床邊係封唔到，因為防火板既封邊條有闊度限制。西德板最闊都係兩三尺左右。如果要做到見唔到黑邊，設計時就要非常講究。
17. 講到傢俬，好多人都以為一定要訂造。太懶啦！拿，你做書枱、做鞋櫃，呢D可能係需要訂造，但地台床？Come on，床既尺寸係標準架，有乜好訂造呀？用現成或者用積木地台床，壽命長一倍，成本低一半，大省300%！
18. 另外間中有人問我翡翠傢俬D木得唔得，話係實木，又話好平黎。拿我淨係講三點。
14. 好師傅係應該識得俾建議客人，而唔係下下問番客，否則呢個口盔就未免戴得太穩啦。
15. 傢俬真係要客揀既，反而係面料，即係焗漆、膠板、木板三種。最值得大家了解既就係膠板，又叫防火板，市面上有西德板防火板、formica防火板、德利板防火板呢D。防火板容易清潔、抗壓抗刮都強，所以造地台都係用防火膠板多。
16. 防火板唯一唔好處，係防火板邊既碰口位有黑邊，要戶主要識得主動同公司講要用封邊條封邊，否則裝修公司一定唔會封，因為係逐尺計架。另外，地台床邊係封唔到，因為防火板既封邊條有闊度限制。西德板最闊都係兩三尺左右。如果要做到見唔到黑邊，設計時就要非常講究。
17. 講到傢俬，好多人都以為一定要訂造。太懶啦！拿，你做書枱、做鞋櫃，呢D可能係需要訂造，但地台床？Come on，床既尺寸係標準架，有乜好訂造呀？用現成或者用積木地台床，壽命長一倍，成本低一半，大省300%！
18. 另外間中有人問我翡翠傢俬D木得唔得，話係實木，又話好平黎。拿我淨係講三點。
● 第一、松木係好平既實木，密度亦低，你試下同翡翠傢俬講想換另一隻木，咁就會貴好多；
● 另外你留意下，翡翠傢俬好多傢俬都係無飾面。咁你話佢既耐用性同埋選擇性係咪好有限制呢？
● 第三，我必須講句，我唔係話翡翠傢俬唔好，而係適唔適合你個人同埋你造咩櫃。
19. 做書枱要承重、做鞋櫃唔駛；做廚櫃廁櫃要受潮，做地台床如果鋪上塌塌米根本咩都見唔到，咁真係可以飾面都唔造。呢D都係考慮。
19. 做書枱要承重、做鞋櫃唔駛；做廚櫃廁櫃要受潮，做地台床如果鋪上塌塌米根本咩都見唔到，咁真係可以飾面都唔造。呢D都係考慮。
附文：裝修佬教你搵裝修公司
拿我直接D咁講。搵裝修，應該比較下裝修平台──有中介，出左咩事可以投訴丫嘛。好多人以為裝修公司收費會因此貴左。但其實你諗下，平台做宣傳一定平過裝修公司，而平台集中客人再分流，又有助公司做最啱自己既客，做最啱既客，公司工程成本又下降、對口碑又好；而客戶配到對自己項目最擅長、往績最好既公司做，又係有賺，完全可以係多贏架。咁點解仲覺得平台一定會貴左呢？
調轉諗，咁多唔同種類既公司加入裝修平台，當中不乏自己宣傳做得好好既公司，點解呢？細公司因為搵生意加入裝修平台；中公司想確保淡季平穩地有生意加入裝修平台；大公司可透過平台找到最啱既客人，降低宣傳成本和出事風險，又係加入裝修平台的原因。公司同戶主由「錯配變正配」賺到好處、省到成本，加上平台提供既其他配套例如買料、驗收、條款施工標準化、爭議處理等等，真係可以無成本咁了解下比較下。
而家市面上既裝修平台，除左筆者既公司裝修佬decoman，仲有好多。但以下係我覺得decoman平台做得最好嘅野：
1. 裝修配對係好重要。而我地平台唔係亂咁配，又或者俾sales亂咁sell，而係真正做緊「智能配對」，先了解戶主嘅隱性需求，再用算式匹配公司數據（當中過百個參數由筆者精心設計，而家落實中，我相信真係無乜人有知識同心機去做呢D咁吃力又不討好既嘢）。
2. 流量稱冠─你睇下similarweb.com，我地流量佔左裝修平台總量八成以上，所以我地接觸到最廣嘅客人，咁先能夠吸引最多種類既公司，令客戶有最多公司可以揀，先發揮到智能配對嘅好處。一D細既平台黎黎去去都係介紹那兩三間自己熟既公司，咁無意思。
3. 我地最公開透明。有D平台吹噓自己唔會爛尾，但平台點可以代表裝修公司確保唔爛尾？婚姻中介可否確保雙方唔離婚、又會唔會代支贍養費？如果肯定唔爛尾，可以寫明起條款丫嘛。
我地從來唔會咁講，相反，我地會有一個A-Z既「萬一爛尾我地可以點支援」嘅清單。要知裝修平台老唔老實，揀平台時，你問一句「你地有冇試過公司爛尾」、再問一句「萬一爛尾你地平台可以點支援」，呢兩個問題一問，你就會識揀架啦。
裝修學院校長、裝修防伏班導師─鄧世民
裝修太多細節留意唔到？唔想裝修中伏？必上裝修防伏班，教你裝修注意事項
調轉諗，咁多唔同種類既公司加入裝修平台，當中不乏自己宣傳做得好好既公司，點解呢？細公司因為搵生意加入裝修平台；中公司想確保淡季平穩地有生意加入裝修平台；大公司可透過平台找到最啱既客人，降低宣傳成本和出事風險，又係加入裝修平台的原因。公司同戶主由「錯配變正配」賺到好處、省到成本，加上平台提供既其他配套例如買料、驗收、條款施工標準化、爭議處理等等，真係可以無成本咁了解下比較下。
而家市面上既裝修平台，除左筆者既公司裝修佬decoman，仲有好多。但以下係我覺得decoman平台做得最好嘅野：
1. 裝修配對係好重要。而我地平台唔係亂咁配，又或者俾sales亂咁sell，而係真正做緊「智能配對」，先了解戶主嘅隱性需求，再用算式匹配公司數據（當中過百個參數由筆者精心設計，而家落實中，我相信真係無乜人有知識同心機去做呢D咁吃力又不討好既嘢）。
2. 流量稱冠─你睇下similarweb.com，我地流量佔左裝修平台總量八成以上，所以我地接觸到最廣嘅客人，咁先能夠吸引最多種類既公司，令客戶有最多公司可以揀，先發揮到智能配對嘅好處。一D細既平台黎黎去去都係介紹那兩三間自己熟既公司，咁無意思。
3. 我地最公開透明。有D平台吹噓自己唔會爛尾，但平台點可以代表裝修公司確保唔爛尾？婚姻中介可否確保雙方唔離婚、又會唔會代支贍養費？如果肯定唔爛尾，可以寫明起條款丫嘛。
我地從來唔會咁講，相反，我地會有一個A-Z既「萬一爛尾我地可以點支援」嘅清單。要知裝修平台老唔老實，揀平台時，你問一句「你地有冇試過公司爛尾」、再問一句「萬一爛尾你地平台可以點支援」，呢兩個問題一問，你就會識揀架啦。
裝修學院校長、裝修防伏班導師─鄧世民
裝修太多細節留意唔到？唔想裝修中伏？必上裝修防伏班，教你裝修注意事項
