設計名人堂 Lit 敏銳細膩了解客人需求 用空間設計加強親子關係
2020年12月23日
9
35392
Lit訪問當天一身不同層次的灰藍調，西裝外套、恤衫西褲、毛衣，沉實的衣著中以金色的領針作點綴突顯個性，精心的打扮盡顯Lit身為室內設計師的執著和細膩。
Lit和室內設計的淵源極深，啟蒙比一般人早，由小時一次家人裝修經歷開始。「細個嘅時候，屋企有一次裝修我好深刻，因為我屋企人同裝修師傅拗到七彩，好唔開心。我嗰時已經覺得『點解會咁？如果我做又會點呢？』。」
家裡裝修遇上不愉快的經歷屢見不鮮，但有如命中注定般誘發了小時的Lit對室內設計的執著與熱誠，她終投入這行業，拼勁十多年仍有團火。
「我細個完全唔知有設計師呢個職業，但我會諗如果有一個角色係可以設計到一個好嘅屋企俾人會係點呢？如果我做呢個角色又會係點呢？呢個諗法一直藏係心中，自自然然我就讀設計，慢慢就入左呢行，一路就做到而家。」
「有形」與「無形」的室內設計
Lit特別偏好住家的室內設計，因為住家與商業設計不同，包含著多種細膩的觸覺。「你返工放工點都要返屋企，而每個人嘅需求、性格、生活習慣都唔同，我經常問自己，點樣先可以設計到一個最貼心最方便到戶主嘅家居俾佢？」
反覆的提問下，Lit總結出一套與別不同的設計概念，就是住家室內設計從來不只有「靚」。「我認為設計分『有形』同『無形』，『有形』就係眼見到嘅嘢，空間設計得幾靚，順唔順眼，全部都係見到嘅。」
「而『無形』先至係真正貼心嘅位，我著重生活習慣，點樣喺短短嘅溝通時間內了解佢。客人鍾意嘅顏色等等當然要了解，但再深入啲嘅，好似性格，習慣係點，我都想知道。如果detail啲嚟講就係由你睜開眼嗰下，直到你閉眼嗰下，一日裡面發生過咩事，了解到我先可以幫你係呢個空間上面做設計，去配合你，方便你。」
反覆的提問下，Lit總結出一套與別不同的設計概念，就是住家室內設計從來不只有「靚」。「我認為設計分『有形』同『無形』，『有形』就係眼見到嘅嘢，空間設計得幾靚，順唔順眼，全部都係見到嘅。」
「而『無形』先至係真正貼心嘅位，我著重生活習慣，點樣喺短短嘅溝通時間內了解佢。客人鍾意嘅顏色等等當然要了解，但再深入啲嘅，好似性格，習慣係點，我都想知道。如果detail啲嚟講就係由你睜開眼嗰下，直到你閉眼嗰下，一日裡面發生過咩事，了解到我先可以幫你係呢個空間上面做設計，去配合你，方便你。」
觀察細致入微 由每早睜眼一刻開始
Lit的敏銳和細膩是本性，也是每日的累積。「呢啲嘢其實喺來自每日生活，真係每日累積。觀察人嘅生活細節，著衫品味，每一個動作，再到上客人住緊嘅環境睇，除咗衣食住行，你嘅art work、擺設啦，透過呢啲嘢會了解客人多啲，咁我就會設計組織得好啲。」
仔細如每一個動作Lit也能注意得到。「例如客人起身睜開眼嗰下，第一下拎電話，佢係要摸條電話線還是直接拎到個電話？連安排電話線點擺呢啲小細節都care到嘅話，客人就會覺得『嘩，真係好細心，我真係覺得好方便。』。」深入關顧客人的生活所需，能將其引入設計之中，才是室內設計師的真正價值。
仔細如每一個動作Lit也能注意得到。「例如客人起身睜開眼嗰下，第一下拎電話，佢係要摸條電話線還是直接拎到個電話？連安排電話線點擺呢啲小細節都care到嘅話，客人就會覺得『嘩，真係好細心，我真係覺得好方便。』。」深入關顧客人的生活所需，能將其引入設計之中，才是室內設計師的真正價值。
用空間設計加強親子關係 把空間互相連結
『無形』除了指生活習慣的改善，Lit更道出了設計空間其實是一種影響人與人之間關係的方法。「有個case我覺得好滿足，因為可以體現到點樣用設計用空間加強親子關係。」
「曾經有個客，我哋輕鬆傾偈嗰陣，媽媽話個仔鍾意成日匿喺房打機，搞到好似有個隔膜咁，但又唔想逼佢鬧佢話唔準打機，會感覺好強權咁，非常好矛盾。」
「佢單位原本有個family room既空間，有個sofa setting，本身諗住喺度同個仔傾下偈。當然個idea好似好好咁，但本身已經有living room，有幾可你個仔真係會坐喺度？」
「我就諗可以點樣郁下個space令到兩個人增加返個關係，就將打機房打通，然後做一道趟門。而唔係一幅牆隔住，唔洗每次都敲門然後被拒絕，覺得係煩住個仔。其實做咗咁少動作，已經增加咗佢哋嘅親子關係。由開頭唔係點講嘢嘅阿仔，到後尾客人回饋話，『個仔打機有應我幾句，好開心。』。」
「我真係好開心，呢個就係『無形』嘅嘢，空間對人與人之間嘅關係其實有好大影響。屋企入面各個空間唔係獨立，全部可以互相有關連，可以增加人嘅互動。」
「曾經有個客，我哋輕鬆傾偈嗰陣，媽媽話個仔鍾意成日匿喺房打機，搞到好似有個隔膜咁，但又唔想逼佢鬧佢話唔準打機，會感覺好強權咁，非常好矛盾。」
「佢單位原本有個family room既空間，有個sofa setting，本身諗住喺度同個仔傾下偈。當然個idea好似好好咁，但本身已經有living room，有幾可你個仔真係會坐喺度？」
「我就諗可以點樣郁下個space令到兩個人增加返個關係，就將打機房打通，然後做一道趟門。而唔係一幅牆隔住，唔洗每次都敲門然後被拒絕，覺得係煩住個仔。其實做咗咁少動作，已經增加咗佢哋嘅親子關係。由開頭唔係點講嘢嘅阿仔，到後尾客人回饋話，『個仔打機有應我幾句，好開心。』。」
「我真係好開心，呢個就係『無形』嘅嘢，空間對人與人之間嘅關係其實有好大影響。屋企入面各個空間唔係獨立，全部可以互相有關連，可以增加人嘅互動。」
以教育宣揚生活質素提升的必要
真誠對待設計和家居而受客人青睞的Lit，在近年市道低迷的情況下，希望能把自己的信念宣揚開去，提升戶主對家居質素的重視。
「同埋而家多咗人home office，所以對屋企嘅需求同質素要求反而有所提升。Air quality、lighting等等都係一啲戶主少留意，但其實係改善住家生活質素嘅細微位。所以嚟緊，都想試下教育方面，話俾人哋聽點樣去提升生活質素，另外，點樣用室內設計去做到幫助在家減壓嘅效果。呢啲其實都係從教育開始。」
「呢兩年市道低迷，但我對室內設計呢個行業好有信心，原因係人始終要有一個家。」人始終需要一個家，而設計師就是以「有形」和「無形」去完善這個「家」。
「同埋而家多咗人home office，所以對屋企嘅需求同質素要求反而有所提升。Air quality、lighting等等都係一啲戶主少留意，但其實係改善住家生活質素嘅細微位。所以嚟緊，都想試下教育方面，話俾人哋聽點樣去提升生活質素，另外，點樣用室內設計去做到幫助在家減壓嘅效果。呢啲其實都係從教育開始。」
「呢兩年市道低迷，但我對室內設計呢個行業好有信心，原因係人始終要有一個家。」人始終需要一個家，而設計師就是以「有形」和「無形」去完善這個「家」。
