第195伏 - 窗簾配搭要注意什麼？
2016年01月24日
0
137444
窗簾─如果設計師幫你買埋裝埋，你可以知少D。但如果你要自己走入窗簾舖，你少D知
識都唔掂。除左因為唔同窗簾舖賣既貨類差得非常之遠，仲因為絕大部分的窗簾舖都唔
會主動問你咁多野。
窗簾配搭要注意什麼？由淺入深講下丫：
1. 顏色─呢個最基本，亦都唔駛講，就如昨天分享，是襯色技巧的問題。
2. 遮光─呢度開始要諗啦。窗簾舖問你要雙軌定單軌？你以為雙軌襯埋一定靚D啦。但
望下圖片，你會想像到如果兩大條窗簾槽拍在牆，上面遮光下面唔遮光，真係唔得你死
！但窗簾舖鬼知你咁多咩。
3. 摺─如窗簾舖問你要多摺定少摺，你冇睇過實物比較，真係好難答。亦好少窗簾店會
展示多少摺既分別(我未見過)。所以見到靚既效果，影低佢，係準備裝修階段既一個小
智慧。
4. 窗簾槽/軌到唔到天花─呢個就唔關窗簾舖事。大家又望下幅圖。可能你覺得都冇乜野
(因為佢襯色襯得好好而且見唔哂佢到地那部分)，但你想像下落地窗簾裝上天花，即係
上又到頂下又到地，其實就會好似D鬼片布幕咁既feel... 當然口味既野人人唔同，講出黎
俾大家參考下。
講住咁多先。大家留言繼續討論/俾意見吧！
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。
關键字：
