【裝修名人堂】 Jason 裝修底層面層同樣重要 工程靠精細與靈活
2021年03月24日
2
36320
青春無敵，當年十九歲的Jason隨父親入行，起初只是父親期望兒子能入行找一餐溫飽，怎料成了他的終身事業。
入行即學水電木工，Jason特別對電工有感，由於他給予Jason要常換位思考的啟發。「例如安排同繪畫走線嘅位置，係令到自己諗嘢同安排事務方面唔好咁死板。」幾年的經驗累積，換來是考慮走線的靈活思維。
「如個客想喺邊度有電掣，知道個電箱可以放邊度，我哋就可以好快畫出電線走位圖，畫咗咁耐，已經熟晒，總之你話比我聽你啲掣想放邊度，我就幫你排到。」
「客人唔識底層嘅嘢，而家家居裝修又全部都走暗喉，就係靠你㗎啦！」電線猶如牆內的迷宮，客人看不到，全都是靠電工師傅的功力，而Jason則擔起這重任。
裝修底層面層同樣重要
隨行數年，施工經驗足夠，Jason便正式從父蔭下出師。父親把project都交給他，自己管理一整個工程，再不只專注於一個部份的功藝長進。裝修底層做得好靠師傅的經驗與誠信，再來就是面層，Jason同樣重視。「工程入面最要小心嘅係油漆、傢俬同舖地板，因為呢幾個係客人會見到用到嘅，一定要做到最好最靚，因為會直接影響客人住喺入面嘅觀感。」
Jason仔細研究裝修的每一個細節，他明白細節會影響整體觀感，小至掃口粉他也有自家獨門嚴格的施工工序。
「要磁磚鋪得靚，五分係師傅手工，五分係掃口粉。一定要掃得好，如收得唔好，師傅手工有幾好，鋪得幾靚，你都係會覺得呢個師傅唔掂。鋪好磁磚，試清楚有冇空心磚，之後徹底清潔上面嘅灰塵同英泥，先可以落掃口粉，乾咗再清潔，就係最靚啦！」
Jason心裡有一套自己的收貨標準，高規格且嚴謹，必須先過他的關才能交到客人手中。「跟住師傅，睇住佢做，如果自己都收唔到貨，咁客人點會收貨呢？過唔到我嗰關，就叫師傅重新做，拆咗佢重新做過。好似油漆咁，唔好有掃痕，做得唔好就重新再髹多次，就會好啲。」
留意裝修資訊動態 提高裝修效率及質素
年輕人總對新事物保持開放態度，Jason會一直留意建材的市場動態，把新科技引入給公司的老師傅嘗試和學習。
「例如而家出咁多款藝術漆，以前冇㗎，而家我哋嘅師傅都識。樂意去接受新事物，未來有多啲新建材嘢都會試，而且一定要試，要追返個潮流。」
「除咗建材，仲有啲裝修用嘅工具都可以幫到裝修得靚啲同快啲。例如鋪磁磚夾，以前係靠師傅嘅感覺去鋪，平唔平直唔直全靠功力，而家就出咗啲插喺磚隙位嘅小工具，就方便左師傅，就輕鬆啲，裝修小工具我都會密切留意，因為除咗保持質素，降低手工嘅不穩定性，慳嘅係時間成本。」
「例如而家出咁多款藝術漆，以前冇㗎，而家我哋嘅師傅都識。樂意去接受新事物，未來有多啲新建材嘢都會試，而且一定要試，要追返個潮流。」
「除咗建材，仲有啲裝修用嘅工具都可以幫到裝修得靚啲同快啲。例如鋪磁磚夾，以前係靠師傅嘅感覺去鋪，平唔平直唔直全靠功力，而家就出咗啲插喺磚隙位嘅小工具，就方便左師傅，就輕鬆啲，裝修小工具我都會密切留意，因為除咗保持質素，降低手工嘅不穩定性，慳嘅係時間成本。」
細節成就完美裝修工程
除了自身能控制的工程之外，為了客人家居裝修順利，他也會經常提點客人各種注意事項。
「例如好似訂門咁，客人自己去買料，跟住同佢哋講要小心啲門嘅尺寸，可以揀細小小嘅。裝嘅時候就會容易啲，多少少走盞位，買細咗都可以加返兩塊木板喺隔離，再打釘，仲會比較實啲添。」
「反而如果買到尺寸貼實晒，太貼就可能裝唔落，會比較麻煩，可能需要拆牆添，買細咗好過買大咗。一定要提個客。」這些小細節順利，慳回來的又是客人裝修的時間成本。
所有內內外外的小細節堆疊，加起來就是一個完美的裝修工程。
「例如好似訂門咁，客人自己去買料，跟住同佢哋講要小心啲門嘅尺寸，可以揀細小小嘅。裝嘅時候就會容易啲，多少少走盞位，買細咗都可以加返兩塊木板喺隔離，再打釘，仲會比較實啲添。」
「反而如果買到尺寸貼實晒，太貼就可能裝唔落，會比較麻煩，可能需要拆牆添，買細咗好過買大咗。一定要提個客。」這些小細節順利，慳回來的又是客人裝修的時間成本。
所有內內外外的小細節堆疊，加起來就是一個完美的裝修工程。
裝修是種承擔 是種責任
廢寢忘餐專注於發展事業，Jason在得到父親的信任後，全盤心思精力都放在裝修工程上，規劃工程，處理建材訂購，安排及監督師傅，每天都去工地監察，甚至自己動手做。
年紀輕輕就能成為一個有責任心的裝修工程管理人，繼承父親光明正直的裝修公司。 一切都是一種承擔，與裝修講求的「承擔」如出一徹。
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
年紀輕輕就能成為一個有責任心的裝修工程管理人，繼承父親光明正直的裝修公司。 一切都是一種承擔，與裝修講求的「承擔」如出一徹。
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
