【裝修名人堂】Anson 裝修勝於萬全準備 予戶主完善優質服務
2021年05月26日
4
28367
做裝修工程管理的Anson Chau一身斯文打扮，流露彬彬有禮的氣息，與我們對裝修佬的想象有所不同，原來他的夢想是衝上雲霄！但心向航空發展的Anson為何現在致力專注於裝修行業？
Anson醉心於航空事業，在考機師的準備過程中，他跟隨父親入行做泥水師傅，半工讀的時光讓Anson吸收了許多裝修知識與經驗，也修讀了室內設計課程，甚至開設了自己的裝修公司。機師考試中過五關斬六將，卻因疫情關係無奈之下只能暫時止步。
儘管有疫情的影響，Anson從不讓自己的手腳停下來，之前做裝修的經驗原來已為他未來舖路。「航空業將來可能三至五年都未必復甦到，實在唔想自己游手好閒坐以待斃，所以開始重心搞自己公司，全心全意擺放晒自己嘅時間同精神落去。」
萬全準備避免風險 協助客人參與工程
一空一陸，航空與裝修，兩者大相徑庭，但Anson卻把他學做機師時警惕自己的座右銘用於裝修工程之上。「5Ps，Prior Preparation Prevent Poor Performance（未雨綢繆）。」
「我學揸飛機，其實喺我決定嗰日要飛開始，已經做晒所有準備，由天氣、機場、入幾多油、要飛去邊，當中真係遇到困難嘅時候要點做，全部都要做晒，要諗定，裝修都一樣。」
「如果我哋唔事先了解清楚客人想要乜嘢效果，做緊嘅時候先打電話俾個客，問佢意見要佢決定，佢就會覺得好煩，『點解我返工仲要聽你電話？我明明已經俾晒錢你處理』。所以事前要有一個好充足嘅準備，一百個問題至少都要了解到90%佢需要嘅嘢。」
Anson於工程前做足準備，除了自己能接觸的工程範疇外，他更全面地顧及客人面對裝修的徬徨。「有時大家會忽略啲好簡單嘅嘢，客人有時覺得師傅一時叫自己買坐廁，一時又要買水龍頭，呢樣嗰樣非常混亂，對我嚟講，呢個都係準唔準備得充足嘅問題。」
「我哋會俾張check list客人，你只要花兩個鐘時間，跟住我呢張list去執，就可以買齊晒所有嘢，唔洗你多次出旺角。同埋check list入面嘅建材有埋deadline，知道大約幾時送到貨去單位，就方便我地安裝。」
「所以整個工序，其實由一開始我心目中已經有個預算，幾時會完成邊part，客人都可以從呢個list樣嘢，知道晒個timeline，好清晰，唔洗好似局外人咁唔知發生緊咩事。」協助客人不費力氣，不混亂地參與工程，可見Anson細心的思維模式幫助工程得以順利進行。
追求創新 為客人帶來完善優質服務及物料
除了細心地為工程做足萬全準備，Anson公司也致力引入國外優質新建材予裝修戶主。Anson了解香港裝修市場總需有一人願意嘗新，有成果自然有人跟隨，而令客人願意踏出這一步，就是裝修設計公司的功架。
「就好似電力軌道，你需要了解客人喜好，我發現有位客人唔喜歡傳統拖板，咁我知道電力軌道正正可以replace傳統拖板，推介俾佢，就一拍即合。而家都開始流行電力軌道啦。」
「又例如近期我發現咗隻叫做MUTENKA嘅牆身物料，日本已經廣泛應用咗好多年，抗菌防霉又防潮，仲要有特別紋路可以用黎做特色牆，其實好適合香港潮濕地方。我親身試過，覺得好正，所以先想帶俾客人。」
由於疫情令香港人更注重衛生安全，Anson洞悉這種市場需求，除了除甲醛既服務外，也以安全健康的低甲醛物料為出發點，找來了不少香港鮮為人知的抗菌建材，希望可以從源頭減少甲醛釋放，做到低甲醛及抗菌的室內設計。
逆市中公司更要向前，如Anson經常掛在口邊的：「有困難就要諗辦法解決㗎啦，唔能夠坐以待斃，盡自己能力做自己可以做到嘅嘢。」，Anson除了在建材中找新出路之外，他也思考從服務裡開啟新可能性。
「推出唔同服務，最近都有做緊驗樓服務，打開多啲客源。新嘅一手樓，由驗樓開始，到幫客人做傢俬做埋清甲醛，一條龍服務。」
Hope for the Best, Prepare for the Worst（作最好盼望的同時，也要為最壞的情況做準備。）
心態決定高度，Anson面對困難從不放慢手腳，反而以正面積極的態度面對，想出更多迎戰方法，做最充足的準備，裝修工程需要的正是不斷地把一個又一個的疑難解決，能有這種思維模式實屬可貴。
能有這種心態，最大的推動力是信任，也有執著與感性。「當全心全意投放資源同努力去做裝修，做落其實好大滿足感。客人嘅信任對我真係一個好大嘅動力，再者，每一單工程由零到完工，大概三個月既時間，比較感性啲講，係有唔捨得，有一種『起貨啦，要執嘢走，好唔捨得』嘅感覺，所以見到個客人好滿意，覺得住得舒服，其實係好大動力。」
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
