【裝修名人堂】 Martin 深詣裝修工藝四十載 樂於與客人共建美好家居
2021年08月11日
8
35392
裝修業界打滾四十年的老師傅Martin，工藝高深當然不言而喻，現今他更想看到年輕人如他當年一樣闖出一片天地，因此現在以最高工程策劃人的身份，一邊管理工程一邊扶植年輕人，回望從前他也是這樣從父親的手上長大。
「爸爸自己開裝修公司做裝修師傅，所以我自細讀書課餘嘅時，都會幫父親做嘢，所以手藝上我都有習得唔少，風火水電樣樣都有。」
「後來遇到地產發展商興起，各種各樣裝修冒起，所以我揀咗土木工程，到發展商開始起樓，起樓就要做樣板房（示範單位），繼而識好多供應商、師傅，另一方面都識設計佈局，家裝嘅技巧知識，都掌握得到。咁樣一做就四十年。」
於一個行業持續活躍幾年並非易事，Martin別有一番體會。「最緊要敬業樂業，由小時我爸爸嗰個年代潛而默化，我就知道要將個身體，將你嘅興趣投入工程上面，你先做得開心㗎嘛，否則就係『捱騾仔』，就唔係做事業，我哋當裝修係一份事業而唔係『捱騾仔』打份工。」
工藝保證 每一分，每一尺，每一個項目謹守標準
多年的樣板房的經驗，培養出Martin對手工工藝的嚴格標準。「樣板房同實際樓宇建築係一模一樣，而買家去到你板房會當係真咁，驗屍咁驗。加上通常建材就發展商規定咗，冇得揀，所以我哋嘅手工一定要做得好先可以展現到我哋嘅實力。」
「每一分，每一尺，每一個水平線都要做得好，客人睇板房睇室內設計得靚唔靚之餘，仲要睇手工，直嘅要直，橫嘅要橫，要對花。人哋望落感覺先會好，先會想買。」
「而我哋拍檔裝修、工程、酒店都有做開，所以要雕龍雕鳳都冇問題，手工都過我嘅標準。」
Martin知道現今港人置業困難，裝修工程當然期望「平靚正」，在傢俬建材選用上大多使用淘寶。Martin深信於建材大同小異中，他們總能脫穎而出。
「要做到平靚正，主要都係建材調節下價錢，而家裝修大部份講實惠，人人都揀淘寶，而真正既差別在於師傅嘅質量，例如度尺師傅，同埋淘件俬俬落到黎香港嘅修口問題，我哋就會做得好。」
其實眾多裝修公司建材來源差不多，就不同價錢則有不同級次的建材，而但裝修結果的好與不好，美與不美，差距就在於裝修公司的工藝和管理。
「因為我哋度尺、傢俬修口等等手工工藝有保證，加埋如果搵我哋做埋泥水其他，我哋係角、線一定做得直，牆我哋自己造，傢俬都拍埋牆就非常容易。做唔到呢啲日後只係做壞招牌，所以我哋標準好嚴謹。」
多年經驗 樂於與客人共建美好家居
作為裝修公司的最高策劃人，Martin認為「經驗」就是裝修中最大的優勢，他見盡各種裝修工程，對各項工程的宏觀藍圖，與施工細節都了如指掌。而當中最令Martin有感的則是與客人的互動。
「入行四十年，後生時我知道自己喺為客人服務，繼而賺取金錢。今日嚟講呢我就唔係著重喺金錢上，更加係視之為一個興趣咁做。同客人分享返咁多年嚟我工作嘅經驗，心得或者處理方法，將我嘅經驗，帶落去現實一個施工單位上面，心態就會好熱誠好享受呢個行業。」
「而同客人嘅交流過程中，同客人討論點去裝修，我哋從技術上面話俾佢聽個設計嘅可能性，或者實際點樣處理可以慳啲，因應客人需要，無論係要實用，還是平，或者靚，我哋都要同佢諗啲方法去做。」
「呢個就係互動，我哋係要合作開心，如果只係你叫我做乜我做乜，咁只係做隻牛，但我哋其實係要做牧童，帶領裝修流程順暢無阻。」Martin明白於裝修工程中，戶主、裝修公司、設計師各自有自己的追求，而最擅長思考現實情況的他們，重視溝通交流，致力尋求現實施工上可行、預算以內又不失美觀的方案。
互信全靠主動提升透明度 經驗拼勁色色俱全
另一方面，Martin知道不能單以工藝的優秀作為大眾對他們的認識，堅守水準以外，為了加強互信，Martin更主動提升工程透明度，排解裝修戶主的不安，建立更良好關係。
「因為客人始終係行外人，所以一定要耐心咁同佢哋溝通，最緊要建立到一個互信關係，唔可以俾個客覺得你呃佢。」
「叫客人嚟單位睇啲嘢啱唔啱，特別係一啲隱蔽咗嘅嘢，我都會影相做記錄，俾佢睇完成咗。客人覺得你質量控制一絲不茍，你樣樣都話佢知，佢就知你唔會偷工減料，唔會呃人。有信心嘅話，以後工程就會順利啲，再嚟就係做好個口碑，就會介紹新啲工程俾我哋做。」
「而我公司嘅後生仔，就真為錢為前途著想，努力去拼搏，全心去做好工程，用我哋嘅資源，包括對平靚正建材嘅認識，我嘅經驗比到好意見客人等等，從而達到客人需要。」
Martin的團隊擁有四十多年裝修經驗與資源，同樣有年輕人的拼勁與熱誠。Martin至今仍敬業樂業，致力與客人合作共建美好的家居。
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
