【 裝修仝人誌．Ken篇 】機會係自己主動爭取
2022年04月09日
3
600
裝修佬是Ken畢業後的第一份工，入職裝修佬差不多一年以來，入職不到兩星期的Ken就經歷過「企足三日、尿都冇得痾、開過百單」的in-Home Expo（會展家居博覽）大作戰，亦經歷了同Team戰友和直屬上司相繼離職。無論風高浪急還是唏噓離別，都影響不到Ken的敬業和進步，最終勇奪2021年第四季的員工獎。是他的適應力強，還是工作團隊的吸引力高？
專業又靈活的工作團隊
在同事的眼中，裝修MALL部門是最講程序的部門之一。而Ken並不認為這是壞事。雖然這是Ken的第一份全職工作，但他之前也曾在小型公司做兼職。很多東西都是口頭交帶、很難跟進，或者很多時甚至沒有跟進。相比之下，他認為在裝修MALL團隊的系統和制度，令工作更加專業。
其實Ken並不覺得部門的運作程序繁複，在他眼中，反而認為部門靈活彈性是部門的優點。一問之下，原來他所指的是試行新項目的自主度。「大公司未必有空間俾你自己提出及主導舉手去做一樣嘢，例如想開一個新的銷售channel，或者提議一個新的合作伙伴，可能要經歷多重內部審批及程序。但起呢度propose一樣嘢，審批得兩個人，就係上司同CEO，只要有plan有數據說服到佢地就得。」
無分職級年資，主動提案，創造機會
讓新人提出開拓業務區塊的想法並且落實執行──聽上去很浪漫，實行的難度又有多高呢？「我又冇點俾上司ban過，有可行的提議又俾到plan，通常都會接納，當然都會經歷跟comment修改嘅過程。最難嘅就係起做新嘢嘅同時，繼續完成本身工作啦。上司放膽俾我做新嘢，但原本assign俾我嘅嘢我都係要照完成，所以得到機會嘅同時亦要付出更多。」
在任職裝修MALL期間，Ken主動建議利用零售平台Carousell增加裝修MALL的銷售點，由提出想法到具體執行，不過是一個月以內的事。「作為職場新人，有個channel由同平台協商、產品展示、推廣活動等各方面都俾我負責handle，係一個好好嘅學習機會。」
▲Ken入職數月，就已經勇奪公司的員工獎。
享受應變，樂於思考
那麼在Ken眼中，工作上最大的挑戰又是什麼呢？
「加入左裝修佬一段時間，當中都遇到唔少挑戰，例如第五波疫情爆發令業務有所影響，例如DIY班停課，來自課堂的營業額隨即大受影響，好多原本計劃好嘅嘢都需要延期……」縱使遇到咁多突發情況，Ken就認為呢個一個是學習面對困難及解難的機會。「有突發嘅事先可以考驗到自己嘅應變能力。例如我們在疫情下，思考如何加強合適產品服務的推廣、及搶先跟合作伙伴平台進行聯合宣傳等等。這些應變都帶來很多進步空間，相比在大公司，做細嘅未必需要思考，只需執行。呢啲都係加入初創公司先可以體驗到的事，我覺得係好事嚟。」
透過反饋累積經驗
談到Ken在不同階段的困難中仍繼續在公司敬業成長，他表達自己最珍惜公司兩樣嘢。
「首先係發展空間啦。我應該唔算係好aggressive嘅人，但我都好想學多啲唔同的技能。我覺得無論軟嘅硬嘅技能都有進步。起呢間公司，上司好樂意教自己嘢。例如開檢討會議，從上司俾嘅comment度會學到嘢。」
「另外就係同事關係。起呢度工作，同事之間都好易融入，可能係我地公司逢星期四都會有狼人殺培訓，提升溝通技巧之餘，亦不知不覺間同同事的合作亦更順暢。呢D都係我起度工作嘅動力嚟架。」
提到未來，Ken希望隨著公司業務的擴展及團隊的擴張，可以多試更多新嘢及不同範疇的工作，繼續成長。
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。
關键字：
