【修佬教室】天花板流血水 唔係命案而係裝修慘案?
2023年05月18日
1
14101
記得早排有個戶主影咗一個好可怕嘅情景俾我地，當時同事都大吃一驚。再細睇就發現，係有事，不過唔係命案！
作為裝修平台，裝修佬常常進出大小工程單位，不時都會見到師傅用色粉試水，試下企缸有冇滲水問題，而當中常見嘅顏色，就係紅色啦！
所以如果見到樓上滲出紅色血水，請保持鎮定。正確嘅處理步驟就係搵管理處，叫佢同樓上講，佢個試水失敗咗啦，順便嚟影相做見證，畢竟試完失敗都要善後。
裝修佬教路：唔想製造恐慌，除左用色粉試水外，亦可以用其他方式測試漏水，例如用探測儀探測石屎濕度。搵管理處仲可以有一個好處，就係做紀錄，咁就唔怕樓上悄悄完成維修，唔認漏水啦，多個人跟進始終好啲。
至於之後點樣同樓上處理後續責任，可以參考返YouTube 裝修電視嘅以下影片：
樓上樓下漏唔漏水呢啲真係一個終身課題，如果單位有問題就記得同裝修學院查詢啦！（係免費㗎各位！）
—————————————————————
想知更多裝修資訊？咁就記得啲讚好我哋嘅Facebook ／YouTube頻道啦！包你睇完一定學到嘢！
裝修佬Facebook：https://www.facebook.com/hkdecoman
裝修佬Youtube：https://www.youtube.com/@deco-tv
裝修MALL：https://mall.hkdecoman.com/
圖片來源：《正義迴廊》劇照
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。
